РЕД БУЛ УБЕДЛИВ НА ВРВОТ

Предсезонските тестови во 2021 година беа рекордни кратки и се одржаа на само една и пол недела пред Големата награда на Бахреин, која ќе се одржи на истата патека Сакир. Ако минатата година тестовите траеја шест дена, а некои тимови признаа дека не успеале да ја поминат целосната тест програма, тогаш во 2021 година тие беа сведени на три дена.

Оваа одлука беше принудна, откако минатата пролет фабриките на тимовите беа затворени скоро шест месеци поради пандемијата. ФИА го одложи преминот кон новите регулативи и сериозно го ограничи развојот на болидите за 2021 година, давајќи им два токени за промени, кој секој тим самиот одлучи на што да ги потроши.

Всушност, на тестовите беа донесени малку подобрени верзии на минатогодишните болиди, но со помала моќност поради промените во регулативата за аеродинамика, но и на побавните и потешки гуми на Пирели.

Времињата на последниот ден се намалија, не толку сериозно како што можеби очекувавме, но и не се изненадувачки побавни од прогнозираните 2-3 секунди. На последниот ден, многумина возачи имаа брзи, квалификациски кругови, а при крајот на сесијата главната битка се водеше помеѓу Ферстапен и дебитантот во АлфаТаури, Јуки Цунода.

Двата болиди придвижувани од погонската единица на Хонда. Холанѓанецот беше за десетинка побрз од Јапонецот, забележувајќи го најдоброто време на оваа тест сесија.

Кими Раиконен комплетираше најмногу кругови во еден ден. Со ова тест сесијата е завршена. Оваа година ќе немаме сезонски тестирања, освен тие организирани од Пирели за евалуација на 2022 18" гуми.

Кој тим покажа најмногу? Кои се претендентите за највисок пласман? Откако ќе ги анализираме постигнатите времиња, се надеваме дека ќе ви дадеме појасна слика и одговор на поставените прашања. Детална анализа во текот на утрешниот ден!!!

2021 БАХРЕИН ТЕСТ СЕСИЈА - ДЕН 3
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:28.960		64(C4)
2	Јуки Цунода	АлфаТаури	1:29.053	+ 0.093	91(C5)
3	Карлос Саинц Јр.	Ферари	1:29.611	+ 0.651	79(C4)
4	Кими Раиконен	Алфа Ромео	1:29.767	+ 0.806	167(C5)
5	Луис Хамилтон	Мерцедес АМГ	1:30.025	+ 1.065	54(C5)
6	Џорџ Расел	Вилијамс	1:30.117	+ 1.157	158(C5)
7	Даниел Рикиардо	Мекларен	1:30.144	+ 1.184	76(C4)
8	Серџо Перез	Ред Бул	1:30.187	+ 1.227	49(C4)
9	Фернандо Алонсо	Алпин	1:30.318	+ 1.358	78(C4)
10	Чарлс Леклерк	Ферари	1:30.486	+ 1.526	80(C3)
11	Ландо Норис	Мекларен	1:30.661	+ 1.701	56(C3)
12	Пјер Гасли	АлфаТаури	1:30.828	+ 1.868	76(C4)
13	Естебан Окон	Алпин	1:31.310	+ 2.350	61(C3)
14	Никита Мазепин	Хас	1:31.531	+ 2.571	67(C4)
15	Мик Шумахер	Хас	1:32.053	+ 3.093	78(C3)
16	Валтери Ботас	Мерцедес АМГ	1:32.406	+ 3.446	86(C2)
17	Себастијан Ветел	Астон Мартин	1:35.041	+ 6.081	56(C3)
18	Ленс Строл	Астон Мартин	1:36.100	+ 7.140	80(C3)
@МкФормула1 - Република Македонија @MkFormula1 - Republic of Macedonia