Одговорен за поставување на нашето знаме е Нино Сулејман, кој ретко испушта некој посериозен авто-мото настан во Германија и пошироко. Човек кој својата огромна љубов кон Македонија ја пренесува на мото спорт фановите секаде каде што е присутен.
МиД: Здраво Нино. Почеток на сезоната во Формула 1. Што значи тоа за тебе? Кога не си во можност да присуствуваш во живо ги следиш ли трките на малите екрани?
Нино: Здраво и добро вечер. Адреналин и посебно чувство. Следам и додека снагата ме држи ќе следам.
МиД: По потекло си од Чаир Скопје. Колку време си во Германија и дали и пред да дојдеш овде следеше формула 1?
Нино: Роден сум во Скопје населба Топана. Во 1967 се преселивме во Чаир. Во Германија сум 38 години. Додека бевме во Скопје немавме можност да следам или следиме Ф1.
Нино: Да, од 1997 сум во Керпен. Хурт е родно место на Михаел и Ралф Шумахер. Но тоа не влијаеше да почнам со следење на Формула 1, следев и пред да се преселиме во Керпен.
МиД: Која е првата сезона на која се сеќаваш и кои возачи беа тогаш најпопуларни?
Нино: 1990 ако не се лажам Аиртон Сена и Алан Прост. Исто Најџел Менсел и Герхард Бергер. Повеќето од нив имаат гаражи на Нирбургринг.
МиД: Дали се сеќаваш на првата трка на која имаш присуствувано? Каде беше тоа и кога?
Нино: 29.07.1990 Хокенхајм. Аиртон Сена победи на мојот роденден. И тогаш како и другите години спиев во истиот хотел на мотодромот.
МиД: Те прашуваат ли луѓето често за знаме на која држава се работи. Можеш ли да Издвоиш некој интересен настан во таа насока?
Нино: Често се случува да ме прашат. Некогаш има и мали провокации. Пример во СПА Белгија и на патеката во Барселона ми го имаат побарано знамето „дај ми го јорганот да се покријам со него. Јас ја соблеков јакната и им ја понудив за покривање. Знаме не се дава на непознати.
МиД: Имаш огромна колекција на Формула 1 реквизити меѓу другото и многу капи, дел од нив со автограми. Од кого се имаш добиено автограм и дали имаш некој што ти е посебно омилен?
Нино: Имам многу реквизити и автограми. Омилен тим ми е Мекларен, дури и жена ми која е антиспортист ја имам однесено во гаражата на Мекларен и Ферари.
МиД: Оваа сезона се предвидени 23 трки со тоа сезоната ќе биде најдолгата во историјата на Формула 1. За жал вратите на патеките во Нирбургринг и во Хокенхајм ќе останат затворени. Дали тоа значи дека годинава нема да го видиме Нино на некоја Формула 1 трка или сепак постои можност секако под услов тоа да биде дозволено да посетиш некоја трка во соседството или подалеку?
Нино: Ако има можност секако. Јас не сум коцкар, но често добивам, затоа гледајте формула и ако го видите македонското знаме таму сум....
Целосното интервју го имате на следниот линк:
makedoncivogermanija.com
