ВАЛТЕРИ БОТАС НАЈБРЗ НА ПРВИОТ ТРЕНИНГ, ФОМ СО ДЕФЕКТНА ОПРЕМА

Најбрз на првиот тренинг за ГН на Емилија Ромања беше Валтери Ботас со болидот на Мерцедес АМГ, во сесија каде ФОМ имаше многу технички проблеми. Тимовите не добиваа технички информации, радио комуникацијата не работеше, а времињата може да бидат променети по сесијата откако ќе се испита дали имаше прекршување на лимитите на патеката.

Температурата на воздухот во Имола едвај надмина десет степени, па за прв пат по тестовите и првата трка, кои што се одржаа во жешкиот Бахреин, тимовите работеа со новите болиди во толку постудени услови.

Патеката во Имола не простува. Тренингот започна со извртување на Никита Мазепин во првиот негов брз круг. Возачот на Хас можеше да излезе од чакалот, се врати во својата гаража и наскоро повторно излезе на патеката.

Десет минути подоцна, во чакалот заврши уште еден дебитант, Јуки Цунода, кој направи грешка во првата шикана, но тој исто така се врати на патеката, ги исчисти гумите - и продолжи да вози. Возење низ чакалот си дозволија и Ферстапен и Латифи, секако без сериозни последици.

Утринава имавме две црвени знамиња, а првото беше во 38-та минута од сесијата, поради инцидент/судир помеѓу Перез и Окон, од кои можевме да ги видиме само последиците. Според Кристијан Хорнер, Серџо Перез беше во брз круг, Естебан Окон во спор. Инцидентот ќе се разгледува помеѓу двете тренинг сесии.

Нивните болиди имаа контакт, по што болидот на Мексиканецот заврши со оштетено задно лево тркало, а болидот на Алпин имапе штета на предната амортизација. Евакуацијата на болидите траеше релативно долго време, па возачите повторно можеа да се вратат на патеката по изминати десет минути.

Поради дефекти на опремата, ФИА го откажа тестот на режимот за виртуелно безбедносно возило закажан за последните минути од сесијата. Сесијата заврши како што почна, повторно со извртување на Мазепин во истиот 18-ти свиок како и на почетокот на тренингот, по што Русинот удри во бариерите покрај патеката. Тоа беше второто црвено знаме, но покажано по изтекот на сесијата.

Вториот тренинг започнува во 14:30 часот на кој ќе дознаеме многу повеќе за редоследот на силите, бидејќи овој каде Латифи е 9-то место не може да биде земен како релевантен.

2021 ЕМИЛИЈА РОМАЊА ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:16.564		23
2	Луис Хамилтон	Мерцедес АМГ	1:16.605	+ 0.041	25
3	Макс Ферстапен	Ред Бул	1:16.622	+ 0.058	21
4	Чарлс Леклер	Ферари	1:16.796	+ 0.232	14
5	Пјер Гасли	АлфаТаури	1:16.888	+ 0.324	21
6	Карлос Саинц Јр.	Ферари	1:16.888	+ 0.324	26
7	Фернандо Алонсо	Алпин	1:17.457	+ 0.893	23
8	Ленс Строл	Астон Мартин	1:17.489	+ 0.925	19
9	Николас Латифи	Вилијамс	1:17.739	+ 1.175	24
10	Даниел Рикиардо	Мекларен	1:17.769	+ 1.205	23
11	Џорџ Расел	Вилијамс	1:17.867	+ 1.302	25
12	Кими Раиконен	Алфа Ромео	1:17.883	+ 1.319	16
13	Ландо Норис	Мекларен	1:17.935	+ 1.371	16
14	Себастијан Ветел	Астон Мартин	1:17.984	+ 1.420	23
15	Антонио Џовинаци	Алфа Ромео	1:18.058	+ 1.494	24
16	Серџо Перез	Ред Бул	1:18.228	+ 1.664	15
17	Естебан Окон	Алпин	1:18.360	+ 1.796	19
18	Никита Мазепин	Хас	1:18.823	+ 2.259	22
19	Мик Шумахер	Хас	1:19.480	+ 2.916	18
20	Јуки Цунода	АлфаТаури	1:19.781	+ 3.217	11
ХИБРИДНА ЕРА - ИМОЛА 2020 Луис Хамилтон - Мерцедес АМГ - 1:14.726 2021 Валтери Ботас - Мерцедес АМГ - 1:16.564
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA