КРАЛОТ НА ПЕТОЧНИТЕ СЕСИИ СЕ ВРАТИ НА ВРВОТ

По втор пат денес сесијата завршува под црвени знамиња со Валтери Ботас на врвот на табелата, со време поставено на жолтите гуми на Пирели, додека на најмеката смеша не успеа да се подобри. Со времиња на црвените гуми Луис Хамилтон беше втор, додека Пјер Гасли импресионираше со третото најбрзо време.

До почетокот на втората тренинг сесија, ФОМ ги реши техничките проблеми, причината едноставна, скинат оптички кабел, еден од најчестите изговори и на нашите кабловски оператори. Кога сме кај нив мораме да заблагодариме на А1 што ни "овозможува" да следиме Ф1 пренос.

Тимовите ја изработија традиционалната програма за сетирање на болидите и тестирање на Пирели пневматиците. Грешките и излетувањата станаа забележително помалку отколку на првата сесија, но, како и утрината, на многумина од нив им беше избришано времето поради излегување од лимитите на патеката во деветтиот и петнаесеттиот свиок.

Првиот тренинг заврши со излетувањето на Мазепин и до почетокот на вториот, тимот немаше време да го подготви неговиот болидот, па така додека останатите возачи беа на патеката од првите минути, Русинот се приклучи со задоцнување од дваесетина минути.

Во 11-та минута, во вториот сектор, поради проблеми со погонската оска, болидот на Макс Ферстапен запре на патеката, беше воведен режим на виртуелно безбедносно возило за негова евакуација. Подоцна се покажа дека тоа беше крај на сесијата за Холанѓанецот.

Со тоа тој ја изгуби целата сесија, што може да биде од клучна важност за утрешните квалификации. Сепак, се до моментот на дефектот на погонската оска беше на пат да го постави најбрзото време до тој момент. Утрината имаше доста комплетирани кругови, а утре го очекува и третиот тренинг, на кој ќе има доволно време за уште квалификациски или симулациски кругови.

Но, во моментов, стриктно гледано од поставените времиња предноста е на страна на Мерцедес АМГ, и секако за кралот на петочните тренинг сесии, Валтери Ботас. Минатата година, Финецот стартуваше од Пол позицијата на оваа патека, но го следеа малери на трката. Се поставува прашањето дали може да биде подобар со новиот болид, W12 и да Победи во Имола?

Се чини дека болидот на Ферари ги поддржа тврдењата на Леклерк дека можат да го освојат третото место во шампионатот на конструкторите оваа година. Италијанскиот тим имаше добра сесија и одлично темпо, и изгледаше дека го предводи средниот ред. Дали тоа може да биде крунисано со пласман на Побеничкиот подиум останува да видиме.

По одличното темпо на Моначанецот, тој имаше финиш каков што сигурно не посакуваше. Во последните минути, Чалрс Леклер изгуби контрола врз болидот на Ферари во 18-от свиок, по што заврши во бариерите покрај патеката. Тренингот беше стопиран, по што стјуардите одлучија тој да не продолжи со преостанати неколку минути до самиот крај.

Формата Серџо Перез и можноста за контролирање на RB16B се уште е под знак прашање, а тоа во првата трка значеше добитна комбинација за Мерцедес АМГ. Доколку Ред Бул успее да биде со двајцата свои возачи во предните стартни редови, тоа би требало да ни донесе интересна трка во недела, за разлика од последните сезони кога Макс Ферстапен го помина поголемиот дел од трките без поддршка на својот тимки колега.

Годинава со скратеното времетраење на тренинг сесиите, тркачкото темпо е потешко за откивање, и има големи аномалии во забележаните времиња. Според нив, на жолтите гуми во предност е Чарлс Леклер, 1:19.355, со околу 2 дестинки предност пред возачите на Мерцедес АМГ, Ботас, 1:19.615, Хамилтон, 1:19.683.

Серџо Перез изнандувачки слаб со просечно време од 1:20.089. Останатите заостануваат дополнителни 5-6 десетинки. Повеќето возачи своите стинтови со повеќе гориво ги имаа на жолтите гуми, додека тие на црвените гуми беа во малцинство.

Од нив најдобар беше Пјер Гасли со просечно време од 1:20.245, две дестинки пред Карлос Саинц Јр. 1:20.439, додека останатите беа подалеку назад Ландо Норис, 1:20.817 и Фернандо Алонсо, 1:20.976

2021 ЕМИЛИЈА РОМАЊА ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:15.551		25
2	Луис Хамилтон	Мерцедес АМГ	1:15.561	+ 0.010	26
3	Пјер Гасли	АлфаТаури	1:15.629	+ 0.078	30
4	Карлос Саинц Јр.	Ферари	1:15.834	+ 0.283	30
5	Чарлс Леклер	Ферари	1:16.371	+ 0.820	28
6	Серџо Перез	Ред Бул	1:16.411	+ 0.860	25
7	Јуки Цунода	АлфаТаури	1:16.419	+ 0.868	26
8	Ландо Норис	Мекларен	1:16.485	+ 0.934	22
9	Антонио Џовинаци	Алфа Ромео	1:16.515	+ 0.962	25
10	Ленс Строл	Астон Мартин	1:16.737	+ 1.186	25
11	Естебан Окон	Алпин	1:16.817	+ 1.267	27
12	Николас Латифи	Вилијамс	1:16.823	+ 1.272	29
13	Фернандо Алонсо	Алпин	1:16.835	+ 1.284	27
14	Макс Ферстапен	Ред Бул	1:16.999	+ 1.448	5
15	Себастијан Ветел	Астон Мартин	1:17.092	+ 1.541	26
16	Џорџ Расел	Вилијамс	1:17.179	+ 1.628	31
17	Кими Раиконен	Алфа Ромео	1:17.273	+ 1.722	27
18	Даниел Рикиардо	Мекларен	1:17.281	+ 1.730	24
19	Мик Шумахер	Хас	1:17.350	+ 1.799	28
20	Никита Мазепин	Хас	1:17.857	+ 2.306	16
ХИБРИДНА ЕРА - ИМОЛА 2021 Валтери Ботас - Мерцедес АМГ - 1:15.551
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA