ВАЛТЕРИ УСПЕА ПОВТОРНО, НАЈБРЗ НА Т1

Валтери Ботас вообичаено за него, го забележа најбрзото време на првиот тренинг за Големата Награда на Шпанија, со три стотинки предност пред Макс Ферстапен. Водечкиот во генералниот пласман Луис Хамилтон го имаше третото најбрзо време.

Утринската сесија беше шанса за настап на резервните возачи на два тима. Во Вилијамс, Рој Нисани седна зад воланот на болидот на Џорџ Расел, во Алфа Ромео Роберт Кубица го замени Кими Раиконен.

Покрај традиционалната програма за подобрување на балансот на болидот и проценка на ефикасноста на гумите, возачите се навикнуваа на десеттиот свиок, кој претрпе измени и беше вратен на претходната конфигурација, со што патеката Каталуња стана дваесет метри подолга.

Состојбата на асфалтот по утринскиот тренинг во Формула 3 беше добра. Возачите ја започнаа сесијата со белите гуми и ја завршија со црвените гуми, кои беа забележително побрзи. Единствено возачите на Ферари ги искористија жолтите гуми на Пирели.

Тренинг сесијата не помина без извртување на Никита Мазепин, заврши во чакалот покрај патеката, но со помош на рикверц, излезе од него и ја продолжи серијата кругови. По враќањето во боксот, Никита го замоли тимот да го замени седиштето со старото, бидејќи новата верзија е понепријатна.

Во 44-та минута сесијата беше стопирана, кога Роберт Кубица го изгубио задниот крај на Алфата, поминувајќи низ десеттиот свиок, по што остана заглавен во чакалот. Следуваше краток период на црвени знамиња, додека да биде евакуиран неговиот болид. За Полјакот, тоа беше крај на сесијата.

Вториот тренинг започнува во 15:00 часот и на кој се надеваме на многу порелевантни времиња, бидејќи тоа е времето кога ќе се одвиваат Квалификациите и Трката.

2021 ШПАНСКО ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:18.504		25
2	Макс Ферстапен	Ред Бул	1:18.537	+ 0.033	19
3	Луис Хамилтон	Мерцедес АМГ	1:18.627	+ 0.123	22
4	Ландо Норис	Мекларен	1:18.944	+ 0.440	24
5	Чарлс Леклер	Ферари	1:18.996	+ 0.492	25
6	Карлос Саинц Јр.	Ферари	1:19.020	+ 0.516	22
7	Пјер Гасли	АлфаТаури	1:19.062	+ 0.558	26
8	Себастијан Ветел	Астон Мартин	1:19.234	+ 0.730	24
9	Серџо Перез	Ред Бул	1:19.349	+ 0.845	17
10	Ленс Строл	Астон Мартин	1:19.429	+ 0.925	25
11	Јуки Цунода	АлфаТаури	1:19.669	+ 1.165	22
12	Естебан Окон	Алпин	1:19.681	+ 1.177	25
13	Антонио Џовинаци	Алфа Ромео	1:19.694	+ 1.190	23
14	Даниел Рикиардо	Мекларен	1:19.732	+ 1.228	24
15	Фернандо Алонсо	Алпин	1:19.950	+ 1.446	25
16	Николас Латифи	Вилијамс	1:20.270	+ 1.767	25
17	Рој Нисани	Вилијамс	1:20.700	+ 2.196	23
18	Мик Шумахер	Хас	1:20.767	+ 2.262	23
19	Роберт Кубица	Алфа Ромео	1:21.887	+ 3.383	12
20	Никита Мазепин	Хас	1:21.976	+ 3.472	22
ИСТОРИЈА - ХИБРИДНА ЕРА - КАТАЛУЊА 2014 Луис Хамилтон - Мерцедес АМГ - 1:27.023 2015 Нико Розберг - Мерцедес АМГ - 1:26.828 2016 Себастијан Ветел - Ферари - 1:23.951 2017 Луис Хамилтон - Мерцедес АМГ - 1:21.521 2018 Валтери Ботас - Мерцедес АМГ - 1:18.148 2019 Валтери Ботас - Мерцедес АМГ - 1:17.951 2020 Валтери Ботас - Мерцедес АМГ - 1:16.785 2021 Валтери Ботас - Мерцедес АМГ - 1:18.504
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA