Тимот ќе продолжи да постои, но интересот на Дајмлер, матичната компанија на Мерцедес-Бенц, ќе се намали како резултат на намалениот удел.
Во декември минатата година, Дајмлер веќе продаде одреден пакет акции, па сега сопственици на Мерцедес АМГ со еднакви удели се Тото Волф, Дајмлер и ИНЕОС.
Продажбата на акциите на Дајмлер се очекува да заврши во првата половина на 2021 година. Кога зделката ќе биде готова, компанијата веќе нема да има целосна контрола врз процесот на донесување одлуки во Ф1 тимот.
Во Дајмлер потенцираат дека тоа не би требало да донесе промена во името на фабричкиот тим или ребрендирање на погонските единици. Договорите со Вилијамс, Астон Мартин, Мекларен остануваат како и досега.
