МЕРЦЕДЕС АМГ МОЌЕН, ЛУИС ХАМИЛТОН ПОБЕДНИК НА ШПАНСКОТО ГРАН ПРИ

Луис Хамилтон е победник на Големата Награда на Шпанија, забележувајќи ја неговата трета победа во оваа сезона, 98-ма во неговата кариера и петта по ред во Барселона. Макс Ферстапен заврши како втор, Валтери Ботас се искачи на третото скалило на победничкиот подиум. За две недели борбата ќе продолжи во Монако.

Хамилтон и Ферстапен трката ја започнаа од првиот стартен ред, Ботас и Леклер од вториот, и Окон и Саинц од третиот. Пред стартот, системот за погрешно позиционирање даде сигнал дека болидот на Пјер Гасли не е во рамките на дозволеното, па така за време на трката, стјуардите го казнија со дополнителни 5 секунди.

Кога се изгаснаа црвените светла, Макс Ферстапен го престигна Луис Хамилтон за да ја предводи трката по првиот свиок. Леклер се најде пред Ботас, додека Карлос Саинц Јр. изгуби неколку места.

Во осмиот круг, болидот на Јуки Цунода запре на патеката, Хонда ПЕ неочекувано се исклучи и Јапонецот мораше да се паркира покрај патеката, а бидејќи тоа беше на незгодно место, следуваше период на безбедносниот автомобил.

Во тимот на Алфа Ромео го повикаа Антонио Џовинаци во бокс, но механичарите наместо предвидениот сет на жолти пневматици мораше да донесат друг, поради дупната лева предна гума и пит-стопот траеше 35 секунди. Вилијамс имаше двоен пит-стоп, заменувајќи ги гумите за Расел и Латифи.

Во 10-от круг беше најавено рестартирање на трката, при кое Холанѓанецот го задржа водството. Хамилтон вршеше притисок врз Ферстапен, чувајќи ја разликата во рамките на ДРС-системот, но Ред Булот успеваше да одолее на нападите. Лидерите возеа со многу брзо темпо, што максимално ги истроши ресурсите на болидот на Макс Ферстапен. Кога веќе гумите беа на работ на нивната потрошеност, лидерот се реши прв да замине во бокс.

Луис замина во круг неколку круга подоцна и се врати на патеката шест секунди зад Ферстапен, но со одличниот болид на Мерцедес АМГ му требаа неколку круга да го стигне водечкиот Ред Бул, но се повтори сценариото за првиот стинт. Едноставно претекнување на патеката е речиси невозможно. Во Мерцедес АМГ се решија за повторување на Хунгароринг и претекнување преку боксевите.

Затоа Британецот веќе во 43-от круг, беше повикан во бокс по нов сет на гуми и да се обиде со undercut, или како што се одвиваше сценариото со повторување на Хунгароринг со чиста патека пред себе да ја намали разликата и го превземе водството. Во Ред Бул не одговорија со пит-стоп на Макс, очекувајќи да ја поминат трката со едно застанување во бокс. Во овој момент, Хамилтон заостануваше 22 секунди зад Холанѓанецот.

Во тој момент веќе се знаеше дека Хамилтон има лесна задача за победата. Макс Ферстапен губеше во просек по 1,5 секунди по круг и со забележително посвежи гуми Хамилтон во 60-от круг го престигна Холанжанецот за првото место во трката.

Возачите кои имаа предност од еден пит-стоп, како Ферстапен, Ботас, Леклер влегоа во бокс по нови гуми и бркање на поенот за најбрз круг во трката. Тој му припадна на Макс Ферстапен. Во последниот круг, Ботас се обиде да го превземе најбрзиот круг, но, поради гужва во сообраќајот во вториот сектор, не успеа да го надмине резултатот на Верстапен за 0.050 делови од секундата.

Голема Награда на Шпанија, Каталуња. 66 круга, 308.424км., Време: Сончево.
ПЛАСМАН:
П.	ВОЗАЧ	ТИМ	ВРЕМЕ
1.	Луис Хамилтон	Мерцедес АМГ	1ч33:07.680
2.	Макс Ферстапен	Ред Бул	+ 15.841
3.	Валтери Ботас	Мерцедес АМГ	+ 26.610
4.	Чарлс Леклер	Ферари	+ 54.616
5.	Серџо Перез	Ред Бул	+ 1:03.671
6.	Даниел Рикиардо	Мекларен	+ 1:13.768
7.	Карлос Саинц Јр.	Ферари	+ 1:14.670
8.	Ландо Норис	Мекларен	+ 1 круг
9.	Естебан Окон	Алпин	+ 1 круг
10.	Пјер Гасли	АлфаТаури	+ 1 круг
11.	Ленс Строл	Астон Мартин	+ 1 круг
12.	Кими Раиконен	Алфа Ромео	+ 1 круг
13.	Себастијан Ветел	Астон Мартин	+ 1 круг
14.	Џорџ Расел	Вилијамс	+ 1 круг
15.	Антонио Џовинаци	Алфа Ромео	+ 1 круг
16.	Николас Латифи	Вилијамс	+ 1 круг
17.	Фернандо Алонсо	Алпин	+ 1 круг
18.	Мик Шумахер	Хас	+ 2 кругa
19.	Никита Мазепин	Хас	+ 2 кругa
НАЈБРЗ КРУГ: МАКС ФЕРСТАПЕН - 1:18.149
БЕЗ ПЛАСМАН:
20.	Јуки Цунода	АлфаТаури	дефект
ХИБРИДНА ЕРА - КАТАЛУЊА 2014 Луис Хамилтон - Мерцедес АМГ - 1ч41:05.155 2015 Нико Розберг - Мерцедес АМГ - 1ч41:12.555 2016 Макс Верстапен - Ред Бул - 1ч41:40.017 2017 Луис Хамилтон - Мерцедес AMГ - 1ч35:56.497 2018 Луис Хамилтон - Мерцедес AMГ - 1ч35:29.972 2019 Луис Хамилтон - Мерцедес AMГ - 1ч35.50.443 2020 Луис Хамилтон - Мерцедес AMГ - 1ч31:45.279 2021 Луис Хамилтон - Мерцедес AMГ - 1ч33:07.680 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA

ГЕНЕРАЛЕН ПЛАСМАН 4/23 ТРКИ
ВОЗАЧИ:
1.	Луис Хамилтон	94
2.	Макс Ферстапен	80
3.	Валтери Ботас	47
4.	Ландо Норис	41
5.	Чарлс Леклер	40
6.	Серџо Перез	32
7.	Даниел Рикиардо	24
8.	Карлос Саинц Јр.	20
9.	Естебан Окон	10
10.	Пјер Гасли	8
11.	Ленс Строл	5
12.	Фернандо Алонсо	5
13.	Јуки Цунода	2
14.	Кими Раиконен	0
15.	Антонио Џовинаци	0
16.	Себастијан Ветел	0
17.	Џорџ Расел	0
18.	Мик Шумахер	0
19.	Никита Мазепин	0
20.	Николас Латифи	0
21.		0
КОНСТРУКТОРИ:
1.	Мерцедес АМГ	141
2.	Ред Бул	112
3.	Мекларен	65
4.	Ферари	60
5.	Алпин	15
6.	АлфаТаури	10
7.	Астон Мартин	5
8.	Алфа Ромео	0
9.	Вилијамс	0
10.	Хас	0