Се менува големината на бандажите, додавајќи пет инчи на дијаметарот што се одржуваше од 1960-тите, со компактни, високо профилни пневматици, кои што се во употреба повеќе од половина век.
Сега е време за помодерен пристап. Со поголем акцент на технолошката близина со пневматиците за патничките автомобили, како и естетиката. Новите пневматици ќе ја има истата ширина на шарата како досега, 305 милиметри напред и 405 милиметри позади, но малку поголем дијаметар, кој расте од 660 милиметри на 720 милиметри.
Најзначајната промена е намалувањето на страничниот ѕид, па сега ќе наликуваат на нископрофилните гуми на Пирели, кои со години се претпочитаа како најдобар избор за водечките марки на спортски автомобили.
Намалениот профил значи дека гумите ќе се деформираат помалку, што значи дека нивното влијание врз целокупната аеродинамика на болидите ќе биде помало. Сето тоа треба да фаворизира блиски трки.
Смешите за 18-инчните гуми исто така ќе бидат целосно нови, за да се обезбеди максимална конзистентност и помалку прегревање. Ќе бидат достапни 5 смеши за Ф1 шампионатот за 2022 година, од кои три ќе бидат номинирани за секој тркачки викенд, исто како што е случај во моментов.
Со преминување од 13 на 18-инчи, Пирели е единствениот производител на гуми што се натпреварувал во Формула 1 со сите големини на тркалата што биле дел од историјата на шампионат.
Како одминуваше времето, спортот се движеше кон 13-инчни гуми, пред Пирели да започне со својата актуелна ера како Глобален партнер за гуми на Формула 1 во 2011 година.
Во 2017 година, Пирели иновираше со воведување на гуми за 25% пошироки отколку што беа претходно, обезбедувајќи поголем отпечаток и повеќе грип, што пак резултираше со рекордни времиња на патеките низ целиот свет.
Од следната сезона се отвара едно ново поглавје со премин кон 18-инчите пневматици, нова димензија со која Пирели е привилегиран да ја придружува Формула 1 во иднина.
