МАКС НАЈБРЗ, НО ЗАВРШИ ВО БАРИЕРИТЕ ПОКРАЈ ПАТЕКАТА

Макс Ферстапен го забележа најбрзото време на вториот тренинг за Големата Награда на Белгија, завршувајќи за 0.041 делови од секундата пред Валтери Ботас, кој пак имаше само 0.031 делови од секундата побрзо време од тимскиот колега Луис Хамилтон. Но, тренингот за Макс заврши на најлош можен начин, откако тој излета и заврши во заштитните бариери, предвремено завршувајќи го попладневниот тренинг.

По првиот тренинг повторно врнеше дожд на СПА-Франкоршамп, но возачите на Формула 3 се квалификуваа на сув асфалт, па до почетокот на втората тренинг сесија површината беше исушена речиси на целиот круг од седум километри.

Сепак на почетокот, Валтери Ботас, Кими Раиконен и Пјер Гасли се решија да ја оценат состојбата на патеката на зелените интермедиа гуми, но кога беше јасно дека тоа не е вистинскиот избор сите останати возачи излегоа на гумите за суво време, фокусирајќи се на проценка на абењето на истите и фино подесување на болидите за утрешните квалификации.

Времињата на Карлос Саинц Јр. и Јуки Цунода беа избришани бидејќи излегоа од границите на патеката во 9-от свиок.

Транинг сесиите се за пронаоѓање на границите на болидот, па така ретко поминува сесија без развеани жолти знамиња поради излетување надвор од патеката.

Пјер Гасли возеше по помошната лента во петтиот свиок, Естебан Окон се сврте на излезот од 13-от свиок без последици за болидот, но сетот гуми беше оштетен.

Во 44-та минута, тренингот беше прекинат со црвени знамиња, поради излетувањето на Чарлс Леклер на излезот од шестиот свиок, удирајќи со болидот во заштитните бариери покрај патеката.

Возачите мораа да ги прекинат започнатите стинтови и се вратија во своите гаражи. Пет минути подоцна, сесијата продолжи, без понатамошно учество на Моначанецот.

Втор пат црвените знамиња се појавија во последните минути, по излетувањето на Макс Ферстапен на излезот од седмиот свиок. Стјуардите одлучија тренинг сесијата да не продолжи.

2021 БЕЛГИСКО ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Макс Ферстапен	Ред Бул	1:44.472		12
2	Валтери Ботас	Мерцедес АМГ	1:44.515	+ 0.041	14
3	Луис Хамилтон	Мерцедес АМГ	1:44.544	+ 0.072	13
4	Фернандо Алонсо	Алпин	1:44.953	+ 0.481	15
5	Пјер Гасли	АлфаТаури	1:44.965	+ 0.493	17
6	Ленс Строл	Астон Мартин	1:45.180	+ 0.708	14
7	Естебан Окон	Алпин	1:45.302	+ 0.830	15
8	Себастијан Ветел	Астон Мартин	1:45.336	+ 0.864	16
9	Ландо Норис	Мекларен	1:45.386	+ 0.914	18
10	Серџо Перез	Ред Бул	1:45.404	+ 0.932	13
11	Карлос Саинц Јр.	Ферари	1:45.517	+ 1.045	14
12	Јуки Цунода	АлфаТаури	1:45.758	+ 1.286	17
13	Антонио Џовинаци	Алфа Ромео	1:45.789	+ 1.317	16
14	Кими Раиконен	Алфа Ромео	1:45.967	+ 1.495	18
15	Даниел Рикиардо	Мекларен	1:46.118	+ 1.646	14
16	Николас Латифи	Вилијамс	1:46.198	+ 1.726	17
17	Џорџ Расел	Вилијамс	1:46.665	+ 2.193	14
18	Чарлс Леклер	Ферари	1:46.836	+ 2.364	13
19	Никита Мазепин	Хас	1:47.335	+ 2.863	14
20	Мик Шумахер	Хас	1:47.529	+ 3.805760	15
ХИБРИДНА ЕРА - СПА ФРАНКОРШАМП 2014 Луис Хамилтон - Мерцедес АМГ - 1:49.189 2015 Нико Розберг - Мерцедес АМГ - 1:49.385 2016 Макс Верстапен - Ред Бул - 1:48.085 2017 Луис Хамилтон - Мерцедес АМГ - 1:44.753 2018 Кими Раиконен - Ферари - 1:43.355 2019 Чарлс Леклер - Ферари - 1:44.123 2020 Макс Ферстапен - Ред Бул - 1:43.744 2021 Макс Ферстапен - Ред Бул - 1:44.472 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA