ВАЛТЕРИ БОТАС НЕПРИКОСНОВЕН НА ПРВИТЕ ТРЕНИНГ СЕСИИ

Сите погледи беа вперени кон главните протагонисти во борбата за титулата, но Валтери Ботас беше тој што беше најбрз на првата тренинг сесија за ГН на Белгија, која викендов се вози на патеката СПА-Франкоршамп.

Финецот беше за 0.164 делови од секундата побрз од Ферстапен, а Пјер Гасли заврши на импресивното трето место за АлфаТаури.

Значи, на хартија првичната предност е за Мерцедес АМГ, но врз основа на сесијата во целина, секако изгледа дека Ред Бул има многу повеќе да понуди, пред се на потврдите смеши на Пирели.

Хамилтон не ја покажа целосната брзина на Мерцедес АМГ бидејќи беше попречен од Николас Латифи во неговиот брз круг, но исто така возеше и со задно крило подесено за поголема потисна сила за разлика од Ботас, кој имаше задно крило за помала потисна сила.

Понатаму на табелата следуваат возачите на Ферари, а Чарлс Леклер и покрај излетувањето низ чакалот имаше пристојна сесија забележувајќи го четвртото најбезо време, што беше за десетинка побрзо од неговиот тимски колега на петтото место.

Првиот ден на СПА-Франкоршамп беше вистинска есен. До пред почетокот на првата тренинг сесија, воздухот едвај се загреа до дванаесет степени, врнеше и временската прогнозата ветува слично време за сите три дена.

На почетокот возачите излегоа на зелените интермедиа гуми на Пирели, но поголемиот дел од патеката беше сув, па по кратка пауза, за втората серија на кругови, секој од возачите излегуваше на гумите за суво време, некој на белата, некој на жолтата смеша.

Во неколку наврати имавме развеани жолти знамиња, најпрво кога Кими Раиконен и Јуки Цунода се извртеа на патеката при излез од првиот свиок, без последици за болидите. Подоцна, Финецот имаше контакт со бетоснките бариери на влезот во боксевите, па неговите механичари имаа дополнителна работа.

На крајот од сесијата, возачите се обидоа на црвените гуми, и очекувано, забележувајќи ги своите најбрзи времиња. Втората тренинг сесија која секогаш ни носи порелеванти заклучоци за поредокот на тимовите е закажана за 15:00 часот.

2021 БЕЛГИСКО ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:45.199		18
2	Макс Ферстапен	Ред Бул	1:45.363	+ 0.164	14
3	Пјер Гасли	АлфаТаури	1:45.699	+ 0.500	20
4	Чарлс Леклер	Ферари	1:45.818	+ 0.619	19
5	Карлос Саинц Јр.	Ферари	1:45.935	+ 0.736	20
6	Серџо Перез	Ред Бул	1:46.127	+ 0.928	17
7	Себастијан Ветел	Астон Мартин	1:46.177	+ 0.978	19
8	Ландо Норис	Мекларен	1:46.336	+ 1.137	17
9	Естебан Окон	Алпин	1:46.497	+ 1.298	16
10	Фернандо Алонсо	Алпин	1:46.612	+ 1.415	16
11	Ленс Строл	Астон Мартин	1:46.649	+ 1.450	19
12	Даниел Рикиардо	Мекларен	1:46.683	+ 1.484	20
13	Антонио Џовинаци	Алфа Ромео	1:46.755	+ 1.556	17
14	Џорџ Расел	Вилијамс	1:46.772	+ 1.573	19
15	Јуки Цунода	АлфаТаури	1:46.928	+ 1.729	19
16	Николас Латифи	Вилијамс	1:47.101	+ 1.902	20
17	Кими Раиконен	Алфа Ромео	1:48.125	+ 2.926	15
18	Луис Хамилтон	Мерцедес АМГ	1:48.224	+ 3.025	17
19	Мик Шумахер	Хас	1:48.705	+ 3.506	16
20	Никита Мазепин	Хас	1:49.059	+ 3.860	15
ХИБРИДНА ЕРА - СПА ФРАНКОРШАМП 2014 Нико Розберг - Мерцедес АМГ - 1:51.577 2015 Нико Розберг - Мерцедес АМГ - 1:51.082 2016 Нико Розберг - Мерцедес АМГ - 1:48.348 2017 Кими Раиконен - Ферари - 1:45.502 2018 Себастијан Ветел - Ферари - 1:44.358 2019 Себастијан Ветел - Ферари - 1:44.574 2020 Валтери Ботас - Мерцедес АМГ - 1:44.493 2021 Валтери Ботас - Мерцедес АМГ - 1:45.199 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA