ФРУСТРИРАЧКИ ТРЕНИНГ, ЛУИС ХАМИЛТОН НАЈБРЗ

Невообичаен прв тренинг за ГН на Холандија, при што Луис Хамилтон беше најбрз со 0.097 делови од секундата подобро време од Макс Ферстапен, додека Карлос Саинц Јр. доцнеше дополнителни 0.004 секунди со третото најбрзо време.

Благодарение на долгиот прекин, крајот на сесијата беше хаотичен, во кој Норис имаше незгодно излетување и возење низ чакалот во еден од неговите брзи кругови. Плус, имавме голем број на незадоволни возачи, кои чувствуваа дека се блокирани.

Добра сесија за Ферари по маките на СПА-Франкоршамп. Трето и четврто најбрзо време, и со само 0.022 делови од секундата помеѓу нивните возачи.

Макс Ферстапен не беше далеку зад Британецот и со оглед на тоа што имаше густ сообраќај во последниот сектор, очекуваме уште поблиска борба за време на вториот тренинг.

Ниту Хамилтон нема да попушти, особено пред фановите на Макс, па затоа како ретко кога, за прв пат сезонава беше најбрз на Т1 сесија.

Патека во Зандворт е нова за секој од возачите, па сите активно работеа од првите минути на предпладневниот тренинг. Многумина од нив го следеа тренингот на Формула 3, каде имаше инциденти и црвени знамиња. Иако е скоро најкратката во календарот, патеката Зандворт е далеку од најлесна за возење.

Главните трибини веќе денес беа полни, па иако на организаторите официјално им беше дозволено да продадат 67% од билетите, речиси и да немаше празни места. Веќе во првиот круг, проблем за неискусните возачи. Јуки Цунода се изврте, извозе неколку инсталациски круга, но потоа се врати во својата гаража по што не се врати во акција.

Исто така, на почетокот на сесијата Себастијан Ветел се пожали на проблеми со ПЕ на Мерцедес и се врати во својата гаража. Неговиот Астон Мартин беше проверен и пуштен на патеката, но не издржа многу акција, па застана на излезот од првиот свиок.

Од болидот излегуваше бел чад, по што Германецот зеде противпожарен апарат од маршалите, а налутено потоа и друг. По се изгледа првиот ПП апарат не беше наполнет со вистинската смеша.

Сесијата беше прекината со црвени знамиња, но маршалите не беа во можност да го евакуираат болидот. Подоцна стана јасно дека проблемите биле во ЕРС-системот, па каросеријата беше под напон, опасен по живот. Потребно беше да се чекаат механичарите на Астон Мартин, кој го исклучија болидот од напојување.

Паузата се одолговлечи, а драгоцени 35 минути беа загубени. Сесијата беше рестартирана на 5 минути до крајот, кога сите возачи излегоа на црвените гуми, но, во густиот сообраќај, не беше лесно да се најде чиста патека и да се забележи што побрзо време.

2021 ХОЛАНДСКО ГП - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:11.500		17
2	Макс Ферстапен	Ред Бул	1:11.597	+ 0.097	17
3	Карлос Саинц Јр.	Ферари	1:11.601	+ 0.101	19
4	Чарлс Леклер	Ферари	1:11.623	+ 0.123	18
5	Валтери Ботас	Мерцедес АМГ	1:11.738	+ 0.238	18
6	Фернандо Алонсо	Алпин	1:12.158	+ 0.658	18
7	Естебан Окон	Алпин	1:12.231	+ 0.731	17
8	Антонио Џовинаци	Алфа Ромео	1:12.359	+ 0.859	18
9	Ленс Строл	Астон Мартин	1:12.431	+ 0.931	18
10	Пјер Гасли	АлфаТаури	1:12.515	+ 1.015	19
11	Ландо Норис	Мекларен	1:12.679	+ 1.179	18
12	Николас Латифи	Вилијамс	1:12.907	+ 1.407	16
13	Кими Раиконен	Алфа Ромео	1:13.053	+ 1.553	20
14	Даниел Рикиардо	Мекларен	1:13.081	+ 1.581	18
15	Џорџ Расел	Вилијамс	1:13.181	+ 1.681	15
16	Серџо Перез	Ред Бул	1:13.328	+ 1.828	18
17	Никита Мазепин	Хас	1:13.516	+ 2.016	14
18	Мик Шумахер	Хас	1:13.847	+ 2.347	17
19	Себастијан Ветел	Астон Мартин	1:15.984	+ 4.484	6
20	Јуки Цунода	АлфаТаури	/	/	3
ХИБРИДНА ЕРА - ЗАНДВОРТ 2021 Луис Хамилтон - Мерцедес АМГ - 1:11.500 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA