ФЕРАРИ НАЈБРЗ НА ЗАНДВОРТ

Чарлс Леклер го забележа најбрзото време на вториот тренинг за Големата Награда на Холандија, нешто повеќе од една десетинка пред неговиот тимски колега, Карлос Саинц Јр. и Естебан Окон на третата позиција.

Брзиот круг на Ферстапен беше компромитиран со црвени знамиња, Валтери Ботас го забележа премногу рано во сесијата, додека Хамилтон комплетираше само два круга, а во третиот мораше да го паркира болидот покрај патеката.

И покра тоа Британецот финишираше на 11-тото место на табелата, а најновите информации од тимот на Мерцедес АМГ велат дека болидот бил запрен поради аномалии во податоците на систем со масло. Останува да видиме што ќе значи тоа за Луис Хамилтон.

Значи, иако поредокот не е целосно репрезентативен, одредени трендови може да се забележат. Ферари изгледаат силно во средниот ред, а Ред Бул и Мерцедес АМГ најверојатно ќе ги престигнат на табелата кога ќе успеат да добијат чисти брзи кругови.

Тимот на Алпин, исто така имаше добри петочни тренинг сесии, особено ако се земе предвид дека Естебан Окон го забележа својот круг многу порано од возачите на Ферари, т.е. пред асфалтот да биде премногу "гумиран". Победникот на трката од Унгарија има голема самодоверба по Хунгароринг, и тоа се покажува со импресивни настапи на оваа и минатата трка.

Почетокот на тренигот беше одложен за пет минути поради проблеми со телекомуникациите. Возачите го поминаа поголемиот дел од првиот тренинг во боксот, па на вториот иамше многу акција на патеката, прекината во два наврати.

Во шестата минута, на телеметријата кај болидот на Хамилтон беа забележани аномалии во притисокот на маслото, па како шо кажавме Луис го застана во 11-от свиок. Болидот беше веднаш евакуиран, а сесијата продолжи по седум минутен прекин.

При средината на сесијата, Никита Мазепин излета од патеката во истиот 11-ти свиок, а неговиот болид заглави во чакалот покрај патеката, па повторно беа развеани црвените знамиња.

2021 ХОЛАНДСКО ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Чарлс Леклер	Ферари	1:10.902		28
2	Карлос Саинц Јр.	Ферари	1:11.056	+ 0.154	27
3	Естебан Окон	Алпин	1:11.074	+ 0.172	32
4	Валтери Ботас	Мерцедес АМГ	1:11.132	+ 0.230	32
5	Макс Ферстапен	Ред Бул	1:11.264	+ 0.362	27
6	Фернандо Алонсо	Алпин	1:11.280	+ 0.378	29
7	Пјер Гасли	АлфаТаури	1:11.462	+ 0.560	28
8	Ландо Норис	Мекларен	1:11.488	+ 0.586	26
9	Антонио Џовинаци	Алфа Ромео	1:11.678	+ 0.776	29
10	Себастијан Ветел	Астон Мартин	1:11.715	+ 0.811	23
11	Луис Хамилтон	Мерцедес АМГ	1:11.911	+ 1.009	3
12	Серџо Перез	Ред Бул	1:11.946	+ 1.044	26
13	Јуки Цунода	АлфаТаури	1:12.096	+ 1.194	30
14	Ленс Строл	Астон Мартин	1:12.136	+ 1.234	28
15	Даниел Рикиардо	Мекларен	1:12.157	+ 1.255	24
16	Кими Раиконен	Алфа Ромео	1:12.206	+ 1.304	30
17	Мик Шумахер	Хас	1:12.607	+ 1.705	30
18	Николас Латифи	Вилијамс	1:12.610	+ 1.708	26
19	Никита Мазепин	Хас	1:12.835	+ 1.933	12
20	Џорџ Расел	Вилијамс	1:12.855	+ 1.953	29
ХИБРИДНА ЕРА - ЗАНДВОРТ 2021 Чарлс Леклер - Ферари - 1:10.902 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA