ПАТЕКАТА ИСТАНБУЛ ПАРК ИМА НОВ РЕКОРД

Како и на утринската тренинг сесија, Луис Хамилтон го имаше најбрзото време, откако извозе еден круг за 1:23.804, што претставува нов рекорд на патеката во Истанбул парк.

Изненадувачки времиња за Чарлс Леклер кој имаше само 0.167 делови од секундата заостанување на второто место, додека Макс Ферстапен не успеа да го победи ни својот тимски колега, забележувајќи време само за 5-тата позиција на табелата.

Холанѓанецот по тимското радио продолжи да се жали за чудното однесување на болидот во средината на свиоците, каде што, наидуваше на случајни удари на преуправливост и подуправливост на црвените пневматици.

Очигледно денес РБ16Б беше далеку од поскуваните поставки на балансираност, па затоа заостанувањето од огромни 0.635 делови од секундата зад Мерцедесот на Луис Хамилтон.

На денешните тренинг сесии грипот на новиот асфалт беше многу подобар од минатата година, па рекордот на патеката, кој го држеше Хуан-Пабло Монтоја, падна веќе на првата тренинг сесија, а попладнево само беше подобрен. Хибридните болиди се побрзи, но во 2020 година, поради лизгавиот асфалт и дождот, тоа не можеше да се демонстрира.

Возачите работеа на традиционалните програми, оценувајќи ја ефикасноста и абењето на гумите, но сесиите покажаа дека не е лесно да се најдат оптимални поставки на болидите. Минатогодишната трка не донесе релевантни информации, така што се требаше да се започне одново. Важно беше предните гуми да работат ефикасно.

Немаше поголеми инциденти, но имавме повеќе извртувања, од кои две на Николас Латифи со болидот на Вилијамс и Никита Мазепин со Хас во 9-от свиок, Валтери Ботас во првиот, Пјер Гасли на излез од шестиот, Ферстапен во седмиот, но без последици за болидите. Кими Раиконен не беше задоволен што водата за пиење се истураше врз неговите нозе, а поправката на овој едноставен систем траеше долго.

За време на вежбите за стартната процедура, по завршувањето на тренингот, болидот на Естебан Окон не можеше да влезе во брзина, остана заглавен на првиот стартен ред, уништувајќи им ја вежбата на повеќе возачи. Болидот на Алпин мораше да биде вратен во својата гаража со помош на тимските механичари.

2021 ГН ТУРЦИЈА - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:23.804		29
2	Чарлс Леклер	Ферари	1:23.970	+ 0.167	28
3	Валтери Ботас	Мерцедес АМГ	1:24.214	+ 0.410	30
4	Серџо Перез	Ред Бул	1:24.373	+ 0.569	27
5	Макс Ферстапен	Ред Бул	1:24.439	+ 0.635	26
6	Ландо Норис	Мекларен	1:24.525	+ 0.721	23
7	Фернандо Алонсо	Алпин	1:24.660	+ 0.856	20
8	Естебан Окон	Алпин	1:24.672	+ 0.868	25
9	Пјер Гасли	АлфаТаури	1:24.756	+ 0.952	31
10	Антонио Џовинаци	Алфа Ромео	1:24.796	+ 0.992	28
11	Јуки Цунода	АлфаТаури	1:24.882	+ 1.078	29
12	Карлос Саинц Јр.	Ферари	1:24.903	+ 1.099	33
13	Ленс Строл	Астон Мартин	1:25.020	+ 1.216	30
14	Даниел Рикиардо	Мекларен	1:25.060	+ 1.256	22
15	Кими Раиконен	Алфа Ромео	1:25.143	+ 1.339	26
16	Себастијан Ветел	Астон Мартин	1:25.229	+ 1.425	29
17	Николас Латифи	Вилијамс	1:25.307	+ 1.503	29
18	Џорџ Расел	Вилијамс	1:25.358	+ 1.554	28
19	Мик Шумахер	Хас	1:25.480	+ 1.676	25
20	Никита Мазепин	Хас	1:25.698	+ 1.894	25
ХИБРИДНА ЕРА - ИСТАНБУЛ ПАРК 2020 Макс Ферстапен - Ред Бул - 1:28.330 2021 Луис Хамилтон - Мерцедес АМГ - 1:23.804 @МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA