МЕРЦЕДЕС АМГ - НОВ МОТОР ЗА НОВИ ПОБЕДИ?!?

Викендов во Сао Пауло се одржува последниот викенд со спринт квалификации за 2021 Ф1 сезоната, а тоа значи дека имаме само еден тренинг пред петочните квалификации.

Асфалтот беше лизгав, а возачите постепено ја зголемуваа брзината, започнувајќи ја сесијата со аеро тестови на белите и жолти гуми, а потоа преминаа на проценка на ефикасноста и абењето на најмеките, црвени, гуми.

Неколку часа пред сесијата врнеше дожд во Сао Пауло, а во одреден момент имавме лесен и краток дожд и за време на тренинг сесијата, кој не влијаеше на работата на тимовите, иако температурата на патеката беше намалена.

Возачите традиционално се жалеа на нерамнини, па мораше да се разјаснат вистинските поставки на амортизацијата. Раиконен и Ферстапен излетаа од патеката без последици по болидите, Гасли ги блокираше гумите поради проблеми со сопирачките, остатокот од сесијата беше мирен.

На кратката бразилска патека, резултатите се традиционално блиски, при што Луис Хамилтон е на врвот на табелата. Ферстапен извозе помалку кругови и го забележа својот најбрз круг значително порано за второто место, со Перез трет и Ботас четврти.

Од дадените времиња не може да се "прочита" премногу, бидејќи режимите на моторот, количината на гориво и условите на патеката се разликува помеѓу најбрзите кругови на ривалите за титулата. Сето тоа значи дека квалификациите подоцна треба да бидат неизвесни, или пак не?!?

Потврдена е казната од 5 стартни места за Луис Хамилтон за неделната трка, поради новиот мотор во неговиот болид, па Британецот ќе настојува да ги освои трите поени што се нудат за победникот на Спринт квалификациите, а тоа би му донело старт од 6-тата позиција на гридот за неделната трка.

Но, Ред Бул ретко започнува силно на Т1, а минатиот викенд покажа дека никогаш не треба да се исфрли од конкуренција. Ферстапен изгледаше брзо на жолтите гуми, не изгледаше незадоволен од поставеноста на неговиот болид. Формата на Серџо Перез е истата од Мексико, што може да биде од огромна корист за Холанѓанецот.

Зад првите два тима, Гасли со брз круг во последен момент изби пред дуото на Ферари, при што и Италијанците и Мекларен признаа дека АлфаТаури може да има добар пласман на Интерлагос.

Ферари беа следни на табелата, со Карлос Саинц Јр. пред Чарлс Леклер. Моначанецот се жалеше на подуправливост и имаше свои моменти во неколку наврати. Возалите на Мекларен беа на различна програма и не се обидоа за брзи круга на меките гуми.

Квалификациите започнуваат во 20 часот по македонско време, на кој ќе се одреди стартниот редослед за утрешните Спринт Квалификации.

2021 ГН САО ПАУЛО - ТРЕНИНГ 1
П.	ВОЗАЧ	ТИМ	ВРЕМЕ	РАЗЛИКА	КРУГ
1	Луис Хамилтон	Мерцедес АМГ	1:09.050		31
2	Макс Ферстапен	Ред Бул	1:09.417	+ 0.367	22
3	Серџо Перез	Ред Бул	1:09.492	+ 0.442	28
4	Валтери Ботас	Мерцедес АМГ	1:09.567	+ 0.517	30
5	Пјер Гасли	АлфаТаури	1:09.880	+ 0.830	32
6	Карлос Саинц Јр.	Ферари	1:10.124	+ 1.074	31
7	Чарлс Леклер	Ферари	1:10.142	+ 1.092	32
8	Естебан Окон	Алпин	1:10.145	+ 1.095	27
9	Фернандо Алонсо	Алпин	1:10.201	+ 1.151	26
10	Ленс Строл	Астон Мартин	1:10.352	+ 1.302	27
11	Јуки Цунода	АлфаТаури	1:10.374	+ 1.324	33
12	Себастијан Ветел	Астон Мартин	1:10.415	+ 1.363	28
13	Кими Раиконен	Алфа Ромео	1:10.443	+ 1.393	31
14	Антонио Џовинаци	Алфа Ромео	1:10.587	+ 1.537	31
15	Ландо Норис	Мекларен	1:10.610	+ 1.560	27
16	Мик Шумахер	Хас	1:10.885	+ 1.835	27
17	Николас Латифи	Вилијамс	1:10.902	+ 1.852	23
18	Џорџ Расел	Вилијамс	1:10.938	+ 1.888	24
19	Даниел Рикиардо	Мекларен	1:10.990	+ 1.940	25
20	Никита Мазепин	Хас	1:11.342	+ 2.292	28
ХИБРИДНА ЕРА - ХОЗЕ КАРЛОС ПАЧЕ 2014 Нико Розберг - Мерцедес АМГ - 1:12.764 2015 Луис Хамилтон - Мерцедес АМГ - 1:13.543 2016 Луис Хамилтон - Мерцедес АМГ - 1:11.895 2017 Луис Хамилтон - Мерцедес АМГ - 1:09.202 2018 Макс Ферстапен - Ред Бул - 1:09.011 2019 Алекс Албон - Ред Бул - 1:16.142 2021 Луис Хамилтон - Мерцедес АМГ - 1:09.050 @МкФормула1 - Република Македонија @MkFormula1 - Republic of Macedonia