МЕРЦЕДЕС АМГ НАЈБРЗ КОГА Е ПОТРЕБНО

Валтери Ботас беше најбрз на петочните тренинг сесии за инаугуралната Големата Награда на Катар.

Финецот изгледаше како подобро да се снајде од својот тимски колега на новата патеката уште од првиот тренинг и тој тренд продолжи под рефлекторите на патеката Лосаил.

Тој беше повеќе од две десетинки подобар од Пјер Гасли, а Ферстапен заостануваше уште десетинка и пол.

Луис Хамилтон заврши со четвртото најбрзо време, бидејќи уште еднаш се чинеше дека се уште ја нема пронајдено својата идеална тркачка линија.

Така, Ред Бул се најде на врвот на Т1, а Мерцедес АМГ возврати на Т2, кога е многу поважно.

Вниманието го привлекоа возачите на АлфаТаури, кои делуваа брзо со самото излегување на патеката. Второ место за Пјер Гасли на двете тренинг сесии, петто и седмо за Цунода. Нивниот болид беше брз во текот на еден круг цела сезона, но формата на нивниот дебитант е за пофалување.

Друг тим кој можеше да биде задоволен е Мекларен. Тие ретко го покажуваат целосниот потенцијал во петок, а петтото за Норис, неколку стотинки зад Хамилтон е пристојна изведба и навестува многу подобра сабота за нив.

Вториот тренинг ќе биде најкорисен за возачите и тимовите, бидејќи е единствениот кој се одржува во исто време како и саботните квалификации, и неделната трка.

Во споредба со првиот тренинг, температурата на воздухот опадна само за неколку степени, но температурата на асфалтот беше десет степени пониска.

Никита Мазепин не учествуваше на вториот тренинг, бидејќи неговиот тим го склопува неговиот болид на резервна шасија. За време на првиот тренинг, Русинот го оштетил подот на неговиот болид, поминувајќи низ рабниците, но деталниот преглед покажал пукнатини и на шасијата.

Викендов нема трки за поддршка во Катар. Како и утрото, но првичните проценки за грипот и абразивноста на асфалтот во реалноста беа многу подоби од очекуваното. Сепак, поентата на тренинг сесиите е да се најдат границите на болидите, па така повторно имавме излетувања надвор од патеката, Ботас, Гасли, Саинц Јр., Леклер, Хамилтон, но сите поминаат без посериозни последици по нивните болиди.

Многу возачи се пожалија на густиот сообраќај, што утре може да биде проблем во квалификациите. На болидот на Верстапен, исто како и минатата недела во Бразил, горниот елемент од задното крило вибрираше на правците. Тимот ги врати двата болида во боксот за да провери сè и успеа да го реши проблемот.

2021 КАТАР ГП - ТРЕНИНГ 2
П.	ВОЗАЧ	ТИМ	ВРЕМЕ	РАЗЛИКА	КРУГ
1	Валтери Ботас	Мерцедес АМГ	1:23.723		27
2	Пјер Гасли	АлфаТаури	1:23.357	+ 0.209	27
3	Макс Ферстапен	Ред Бул	1:23.498	+ 0.350	20
4	Луис Хамилтон	Мерцедес АМГ	1:23.570	+ 0.422	25
5	Ландо Норис	Мекларен	1:23.632	+ 0.484	24
6	Ленс Строл	Астон Мартин	1:23.705	+ 0.557	26
7	Јуки Цунода	АлфаТаури	1:23.735	+ 0.587	28
8	Серџо Перез	Ред Бул	1:23.787	+ 0.639	20
9	Себастијан Ветел	Астон Мартин	1:24.020	+ 0.872	27
10	Карлос Саинц Јр.	Ферари	1:24.033	+ 0.885	28
11	Естебан Окон	Алпин	1:24.041	+ 0.893	29
12	Фернандо Алонсо	Алпин	1:24.056	+ 0.908	25
13	Чарлс Леклер	Ферари	1:24.095	+ 0.947	23
14	Даниел Рикиардо	Мекларен	1:24.135	+ 0.987	24
15	Кими Раиконен	Алфа Ромео	1:24.631	+ 1.483	26
16	Џорџ Расел	Вилијамс	1:24.954	+ 1.806	27
17	Антонио Џовинаци	Алфа Ромео	1:25.072	+ 1.924	23
18	Николас Латифи	Вилијамс	1:25.209	+ 2.061	28
19	Мик Шумахер	Хас	1:25.575	+ 2.427	27
20	Никита Мазепин	Хас	/	/	/
ХИБРИДНА ЕРА - ЛОСАИЛ 2021 Валтери Ботас - Мерцедес АМГ - 1:23.148 @МкФормула1 - Република Македонија @MkFormula1 - Republic of Macedonia