НИК ДЕ ВРИС НАЈБРЗ СО БОЛИДОТ НА МЕРЦЕДЕС АМГ

На тестовите во Абу Даби, тимовите користат два болиди. Еден од нив, модифициран за тркала со 18" гуми кои ќе се користат од следната 2022 година, ќе го користат главните возачи два дена, додека другиот, регуларниот болид од 2021 година, го користат млади возачи.

Во Вилијамс решија да не учествуваат на тестовите за новите гуми, туку ќе имаат само еден тест ден за младите возачи со сегашниот болид.

Тимовите ќе можат да ги тестираат сите пет смеши од 2022 понудата на Пирели и секој од нив ќе добие 2 C1, 2 C2, 4 C3, 6 C4, 4 C5 сетови на гуми.

Повеќето тимови на првиот ден ги комбинираа младинските тестови и новите 2021 гуми. Само во тимот на Вилијамс, зад воланот на нивниот тековен болид седна Логан Сарџент,  американецот кој потпиша договор со Карлин и следната сезона ќе ја помине во Формула 2, а денеска за прв пат седна зад воланот на Формула 1.

Возачот на Индикар, Патрик О'Вард, исто така дебитираше во Формула 1 болид, добивајќи покана од Мекларен за неговата победа на Тексас Мотор Спидвеј во мај.

По завршувањето на денот тој призна дека попладнето тој забавил, бидејќи имал проблеми со вратот. Оптоварувањето на мускулите во Формула 1 се покажало многу посериозно отколку што очекувал.

Единствениот дебитант за следната сезона, Гуанју Џоу, денес работеше еден ден како млад возач на тековниот болид на Алфа Ромео, а утре ќе седне зад воланот на болидот модифициран за тестови на гуми.

Неговиот тимски колега Валтери Ботас цел ден возеше Алфа Ромео каде ќе се натпреварува следната сезона.

Џорџ Расел, пак, од бавен болид се префрли на брз и два дена ќе работи со модифицираниот болид на Мерцедес АМГ, а улогата на млад возач традиционално ја имаше Ник де Врис, кој воопшто не е млад, но доби можност да го спореди симулаторот со вистински болид.

Денес во Ферари Роберт Шварцман работеше половина ден, забележувајќи го најдоброто време од тројцата возачи зад воланот на болидите на Скудерија. Утре ќе продолжи да тестира, возејќи го болидот на Хас.

Во Ред Бул на тест сесијата за пневматици, Макс Ферстапен, кој завчера ја освои шампионската титула, седна зад воланот, но неговиот болид се уште ја немаше шампионска единица, која ќе се појави следната година.

Како млад возач, тимот повторно го повика учесникот во нивната младинска програма, Јури Випс, кој го имаше единствениот инцидент за црвени знамиња. Тест сесијата продолжува утре, а повеќето тимови ќе имаат промена на возачите.

АБУ ДАБИ ТЕСТ - ПРВ ДЕН
П.	ВОЗАЧ	ТИМ	ВРЕМЕ	РАЗЛИКА	КРУГ
1	Ник де Врис	Мерцедес АМГ	1:23.194		77(2021)
2	Лиам Лосон	АлфаТаури	1:24.517	+ 1.326	125(2021)
3	Оскар Пјастри	Алпин	1:24.523	+ 1.332	131(2021)
4	Патрик О`Вард	Мекларен	1:24.607	+ 1.416	92(2021)
5	Гуанју Џоу	Алфа Ромео	1:25.142	+ 1.951	119(2021)
6	Јури Випс	Ред Бул	1:25.198	+ 2.007	97(2021)
7	Ник Јелоли	Астон Мартин	1:25.333	+ 2.142	118(2021)
8	Даниел Рикиардо	Мекларен	1:26.252	+ 3.061	95(C5)
9	Ленс Строл	Астон Мартин	1:26.579	+ 3.388	143(C5)
10	Роберт Шварцман	Ферари	1:26.694	+ 3.503	73(2021)
11	Чарлс Леклер	Ферари	1:26.989	+ 3.798	87(C4)
12	Валтери Ботас	Алфа Ромео	1:27.183	+ 3.992	127(C5)
13	Антонио Фуоко	Ферари	1:27.324	+ 4.133	146(2021)
14	Јуки Цунода	АлфаТаури	1:27.348	+ 4.157	131(C4)
15	Логан Сарџент	Вилијамс	1:27.476	+ 4.285	92(2021)
16	Естебан Окон	Алпин	1:27.553	+ 4.362	128(C5)
17	Макс Ферстапен	Ред Бул	1:28.015	+ 4.822	124(C5)
18	Џорџ Расел	Мерцедес АМГ	1:28.062	+ 4.871	132(C5)
19	Мик Шумахер	Хас	1:28.499	+ 5.908	100(C5)
@МкФормула1 - РЕПУБЛИКА МАКЕДОНИЈА @MkFormula1 - REPUBLIC OF MACEDONIA