- Која беше најтешката задача што требаше да ја решите при креирањето на VF-22?
"Кога работевме на проектот за новиот болид, имаше два главни проблеми. Првиот беа новите барања за дизајнот на шасијата. Во согласност со регулативите на ФИА за 2022 година, дизајнот на кокпитот е изменет од безбедносни причини. Тој мора да издржи посилни оптоварувања, така што некои области мораа да се зајакнат за повеќе од 150%."
"Ова бараше значително засилување во споредба со 2021 година, што резултираше со зголемување на тежината на болидот. Од друга страна, тежината на болидот доведе до тешкотии во други области. Создавањето на новиот болид веројатно беше најтешко во последните дваесет години."
"Друг предизвик беше времето потребно за да се создаде таков радикално различен болид. Сето ова се совпадна со создавањето на нова тимска структура, па не беше лесно да се започне со работа во сосема нов оддел на таков проект.
- Откако ја завршивте работата на VF-22, од што сте најзадоволни?
"Моравме да надминеме сериозен предизвик, но не можам да не кажам колку сум горд на тимот специјалисти што го собравме изминатава година. Ни се придружија нови вработени, многу од нив дојдоа од Ферари. Имавме блиска соработка со Далара и формиравме нов оддел за дизајн во Маранело."
"Во текот на изминатата година успеавме да направиме огромен исчекор, но важно е да се нагласи дека се уште сме во рана фаза на развој, така што оваа година забележително ќе се подобриме."
"Очекувам дека нашиот оддел ќе го достигне врвот на своите можности по една година работа на болидот. Генерално, ни треба повеќе време за да почнеме поефективно да работиме едни со други."
- Имајќи ги предвид новите технички прописи, кои области на болидот станаа еволуција од минатата година, а кои требаше да се развијат одново?
"Аеродинамиката претрпе најголема промена. Прописите се толку многу променети што можеме да зборуваме за револуција во оваа област. Сопирачките и каналите за нивно ладење, исто така, се значително променети, не револуција како таква, туку значителни промени."
"Ако зборуваме за болидот во целина, тогаш сè е ново, освен воланот, педалите и системот за гаснење пожар. Останатите компоненти мораа значително да се променат. Во некои области имавме ограничена слобода на дејствување во однос на претходните сезони, но поентата е во деталите и очекувам дека ќе видиме огромна разлика во ефикасноста на сите болиди."
"Најпрво, потрошив доволно време да се навикнам на тимот и да изградам работни односи, но потоа се дистанцирав од сè што беше поврзано со работите на патеката. До септември посетив само неколку трки."
"Соработував со Ајао Комацу и неговиот тим, така што не морав да трошам многу време на она што се случуваше на тркачките викенди. Сличен пристап користеа аеродинамичарите и дизајнерите."
"Тимот кој работи на новиот проект се обиде да го минимизира вниманието кон VF-21, за кој беа одговорни тркачките инженери."
- Каква беше интеракцијата помеѓу Хас и тимот на Ферари при создавањето на VF-22?
"Хас работи со Ферари од 2016 година и со текот на годините нашата соработка еволуираше чекор по чекор. Правиме се од себе за да ја подобриме ефективноста на интеракцијата врз основа на минатото искуство. Работев за Ферари долги години, така што добро го познавам тимот."
"Ни помогна, па задоволен сум од резултатот. Ферари нè снабдува со некои компоненти на болидот, нивната листа е променета во однос на минатата година поради новите правила за класификација на компонентите."
- Иако болидот сè уште не дебитирал на патеката, какви заклучоци може да се извлечат?
"Од самиот почеток, проблемите поврзани со тежината на болидот беа очигледни. Сепак, со секоја измината недела, забележуваме напредок во оваа насока. Верувам дека имаме потенцијал и можност да го развиеме VF-22 како што ќе напредува сезоната и оваа година очекувам дека сите тимови значително ќе ги подобрат своите болиди."
- Кои се вашите очекувања за 2022 сезоната?
"Сега сум преплавен со задоволство и гордост за сработеното. Мислам дека би ни било тешко да направиме повеќе. Сепак, тоа воопшто не значи дека ќе ги постигнеме сите наши цели, секогаш останувам реалист. Сепак, мислам дека ако се биде добро и нема изненадувања, тогаш оваа сезона ќе видиме напредок."
