Иако никогаш претходно не возел Ф1 болид на мраз, возачот на Ред Бул брзо се навикна на новата патека од мраз на специјално дизајнираните гуми на Пирели. На овој настан на неговата кацига и болид за прв пат се најде Бр.1 резервиран за шампионот.
"Ова беше мојот прв настап на мраз со Формула 1 болид и со нетрпение го очекував. Беше многу интересно и е прилично лизгаво, па морав да бидам внимателен. Сè е многу ладно, вклучително и сопирачките, а болидите очигледно не се дизајнирани да возат на мраз, што го прави нивното управување уште потешко, но беше многу забавно."
Ферстапен, чиј перманентен број во Ф1 е 33, по неговиот успех реши да го избере бројот 1, резервиран за шампионот, и тој за првпат ќе се користи на Ф1 гридот од 2014 година.
"Колку пати добивате можност да ги замените броевите? Единицата е најдобриот број во Формула 1, така што за мене беше многу едноставно да го одберам. Да се надеваме дека бројот 33 нема да се врати следната година.... хехехе..."
По неговите ледени кругови за "загревање", Ферстапен наскоро ќе се соочи со невиден маратон од 23 трки во неговата прва сезона како актуелен шампион во Формула 1.
Сè започнува со претсезонската тест сесија во Барселона, Шпанија на 23-25 февруари, каде тој ќе ги испроба можностите и границите на целосно новиот RB18.
"Изгледа малку поинаку, но сè уште е Формула 1 болид. На тестирањето ќе можеме да направиме многу кругови и да добиеме многу информации, што е важно. Со нетрпение го очекувам стартот на 2022 сезоната."
