Веќе стана јасно дека овој странски канал не се води од интересите на македонските Ф1 фанови по одлуката да го префрлат преносите на Спортклуб ХД, па така и на одредени кабловски оператори кои во нивната програмска шема ги имаат СК каналите од 1-6 не можат да гледаат Формула 1.
Дополнето со тоа што најголемиот кабловски оператор, А1, се реши да не ги емитува овие канали, најмалку 1/3 од македонскиот аудиториум немаат начин легално да ги гледаат трките на Формула 1.
А1 ги доби каналите на Арена каде од следнта фудбалска сезона ќе се емитуваат сите познати фудбалски првенства, па нормално дека ќе се решат за таа опција. Не дека и Арена емитува целосно легално во Македонија.
За тие што не се во можност да го гледаат спортклуб ХД да се обидеме да најдеме практично решение за тоа како да ги гледаат трките од омилениот мотоспорт кога не се достапни легални преноси на нашите национални телевизии.
Со други зборови, подзаборавените сателитски антени или стримови преку интернет. На официјалната страница на Формула 1 ги имате најновите информации кои канали емитуваат Ф1 трки, со напомена дека стануваат се поретки каналите кои емитуваат бесплатно, Free-toAir.
Потоа се обраќате до монтери на сателитски антени во вашиот град и прашувате дали можат да обезбедат пристап до еден од каналите од списокот. Ако можат, тогаш тоа е прашање на технологија и вашите финансиски можности.
Главната разлика помеѓу таквите провајдери и официјалните е тоа што тие обезбедуваат пристап до ТВ канали кои не се емитуваат во Македонија. Просечната цена на претплата е од 200 денари месечно, па нагоре. Повеќето од нив обезбедуваат бесплатен тест пристап, што овозможува да се провери квалитетот на сликата и да се уверите дека ги имаат каналите кои нудат Ф1 трки.
Најпознат и најдобар секако е специјализираниот канал на Скај групацијата, Sky Sports F1, кој емитува на англиски, германски и италијански јазик. Покрај него има и други канали од различни земји.
Сепак ова не е баш најбезбедно решение. За крај наједноставното и најефтино решение се стримовите кои ги има на интернет. Квалитетот на сликата е добар, но има повеќеминутно доцнење и нема гаранции дека пронајдениот линк ќе продолжи да работи и следниот пат. Во Вајбер групата настојуваме редовно да се постираат фунционални линкови за сите уреди од телефон, компјутер, ТВ од понова генерација.
И последна опција се старите добри торенти, доколку сте спремни да ги гледате трките со совршен квалитет, но задоцнување од повеќе часа. Можностите за гледање Формула 1 остануваат, но бараат поголем напор, отколку само вклучување на ТВ приемникот.
