Возачите кои имаа сигурна предност ја изгубија, а тие што немаа влезено во бокс ја искористија својата шанса за добар пласман.
На пет круга до крајот на трката се одвивала вистинска драма во тимот на Алпин.
Фернандо се наоѓаше на осмото место, но ресетирањето на разликите ќе доведеше до губење на три места и пласман надвор од освојувачите на поени.
Инженерите на Алпин се решија на помош да го повикаат Естебан Окон, кој беше 2.5 секунди зад Шпанецот и на грбот ги имаше Алекс Албон и Ленс Строл.
Тимот го предупредува Естебан за казната што ја има Фернандо и го замолуваат да му помогне со забавување на болидите зад него за Алонсо да не го изгуби својот пласман во бодови кога ќе се додадат пет секунди од казната на крајот од трката.
На три круга до крајот Французинот успева да ја зголеми разликата помеѓу него и својот тимски колега на 4.5 секунди, а последниот круг го започнува со шест секунди дефицит.
Неговиот инженер го пофали за фантастичната работа, на што Окон додаде дека тоа била добра одлука на тимот и добро изменаџирано од нивна страна.
Но, иако Естебан придонесе Фернандо да заврши на 8-то место, на крај се тоа беше бадијала кога стјуардите на Шпанецот му доделија уште една казна од пет секунди за стекнување предност надвор од патеката.
