На вториот тренинг, тимовите ја продолжија започнатата тест програма на новите делови, но сега имавме повеќе фокус и на проценката на абењето на гумите на Пирели и пронаоѓање на лимитите на болидите.
Речиси никој не работеше со белите гуми, а за Барселона тие се произведени од најтврдата смеша, C1, од 2022 палетата на Пирели.
Ландо Норис го имаше надградениот болид на Мекларен во свои раце, за разлика од Даниел Рикиардо кој возеше болид со старите спецификации. Тимот требаше да добие податоци за споредба, но Британецот имаше излетување во осмиот свиок, и мораше да помине низ чакалот покрај патеката, по што се упати кон своите механичари.
Тренингот го пропушти и Валтери Ботас. Во четвртиот круг, моторот во неговиот болид ја изгуби моќноста на крајот од стартниот правец, по што Финецот го паркираше својот болид покрај патеката. Алфата брзо беше отстранета, во период кој помина под режим на виртуелен безбедносен автомобил.
Серџо Перез имаше проблеми со балансот на својот РБ18 и како Ландо Норис имаше пат низ чакалот покрај осмиот свиок, но без последици по болидот.
Ферари на прв има големи проблеми со деградацијата на гумите. Досега резултатите се многу блиски помеѓу нив и Ред Бул, но во борбата се вмеша и Мерцедес АМГ. Останува да видиме дали тоа ќе биде по теркот на Мајами или саботата ќе ги врати во реалноста.
Според Матија Биното, на Каталуња, секогаш е тешко да се најде вистинскиот баланс на болидот, бидејќи во последниот сектор од кругот е неопходно задниот дел од болидот да работи ефективно, а во првиот сектор важно е да се постигне подеднакво добра работа и на предниот и задниот дел.
Наведува дека викендот во Шпанија може прилично точно да го наговести понатамошниот тек од сезоната.
И во Мерцедес се многу сум задоволни од постигнатиот напредок, тимот не се предава, продолжува да работи напорно, можеби се уште не се најбрзи, но се на добар пат во решавање на проблемите, особено неподносливите вертикални осцилации на правците.
Денес беа значително помали, па со тоа почнува да се открива вистинскиот потенцијалот на W13, и можностите кои може да ги оствари.
Макс Ферстапен и Ред Бул денес беа доста резервирани, па Холанѓанецот го имаше само петтото најбрзо време. Тимот е задоволен од тркачкото темпо, но потребно е да се пронајдат вистинските поставките за атак на Пол позицијата.
Она што е важно да добар исход на трката, деградацијата на пневматиците на РБ18, моментално е голем плус за овој тим. Времето ќе биде стабилно во сите три дена, па може да се продолжи со работа без мешање на оваа варијабла.
