"Остануваат уште две трки до крајот на сезоната, што не очекува? Се уште трае битката меѓу Мекларен и Алпин за четвртото место кај конструкторите, Серџо Перез е пред Чарлс Леклер во пласманот кај возачите, но неговата предност е само пет бода."
"Во Мексико, Ферари не можеше да настапи со полна сила. Тимот имаше потешкотии поради надморската височина, премногу компактните турбини во нивните погонски единици не можеа да се справат со прекумерните оптоварувања, па механичарите мораа малку да ја намалат моќноста на моторот."
"Тешко е да се каже како ќе постапат во Бразил, каде што патеката исто така се наоѓа на надморска височина од 800 метри, но ми се чини дека и таму ќе внимаваат. Претпоставувам дека сега сакаат само да стигнат до финишот на шампионатот, да ги залечат раните и веќе да се подготвуваат за следната година."
"Развојот на Ф1-75 е стопиран, болидите повеќе не добиваат никакви технички иновации и, можеби, тимот сака да ги спаси и погонските единици. Мислам дека во случај на некаков проблем со моторите ќе мора да одат на дополнителни трошоци, а со ограничен буџет тоа може да биде болно."
"Покрај тоа, тимовите кои ќе се пласираат повисоко во шампионатот за конструктори имаат намалено време за развојни експеримети во воздушните тунели за следната година. Колку подобро настапувате сега, толку помалку ќе имате можности да постигнете уште подобри резултати во 2023 година."
"Генерално, не сум сигурен дека е во интерес на Мерцедес АМГ да го истисне Ферари од второто место, бидејќи тимот што ќе биде подолу на табелата ќе има повеќе време за аеродинамичко истражување, па затоа, поголема шанса да додаде брзина."
"Можам да замислам дека сега и двата тима размислуваат дека подобра опција е повеќе време за работа во воздушните тунели, отколку да го освојат второто место во шампионатот за конструктори."
Алгоритмите на британската компанија ќе бидат искористени за идентификување на навредливи и дискриминаторски пораки. ФИА се надева дека преземените мерки ќе ги намалат интернет навредите кон волонтери, претставници на федерацијата и учесници.
Соработката со Arwen е клучна компонента на пошироката кампања што ФИА ќе ја започне во наредните недели.
Мохамед бин Сулејем, претседател на ФИА: "Како раководно тело, понекогаш сме критикувани за одлуките што ги носиме за спроведување на техничките и спортските прописи. Го почитуваме правото на луѓето на мислење и ја охрабруваме слободата на говорот, но зголемениот број на објави на социјалните мрежи носат неприфатливо ниво на агресија."
"Некои од овие пораки се упатени до персоналот на ФИА и волонтерите. Секогаш се залагам за моите вработени, службеници и волонтери. Овие луѓе ни дозволуваат безбедно да се тркаме и да контролираме сè. Без нив немаше да има трки. Го слушнавме и мислењето на Ф1 возачите за време на неодамнешните брифинзи. Тие ја изразија својата загриженост за овој проблем и изјавија дека се подготвени да дејствуваат."
"Ги повикуваме сите тркачки заедници да се обединат во оваа мисија. Нашата кампања ќе се базира на неодамнешната иницијатива Drive It Out. Мораме сите заедно да преземеме акција против навредите, вознемирувањата и говорот на омраза."
"Мора да се бориме со оваа болест во нашиот спорт. Искуството на Arwen ќе биде клучна алатка во нашите напори. И сопствениците на социјалните мрежи треба да го направат својот дел."
