АЛФАТАУРИ AT04 - РОБУСНА ЕВОЛУЦИЈА НА AT03

Тимот на АлфаТаури во Њујорк го презентираше обојувањето на новиот болид, AT04, но во исто време, истоимениот моден бренд ја покажа својата колекција есен-зима 2023. Центарот Линколн беше избран за место за презентација, а настанот беше одлучено да се совпадне со модната недела во Њујорк.

Во соопштението за медиумите се нагласува дека 2023 година во Америка ќе биде клучна година за Формула 1, но и за модниот бренд АлфаТаури, бидејќи во САД се појавува и трета трка во календарот на шампионатот и АлфаТаури за прв пат влегува на пазарот.

Презентацијата беше изведена преку двеминутно видео во кое главните улоги ги толкуваат главните возачи, Јуки Цунода и Ник де Врис. Двајцата се појавија во последната секвенца непосредно пред болидот, со осум различни модели на облека во позадина, како и поглед на Централ парк.

По некое време, се појавија и студиски фотографии од новиот болид и неговите 2023 бои. Нема многу промени, темно сината и белата остануваат доминантни, но забележително е инкорпорирањето на црвената боја, поврзана со логоата на полската компанија за нафта и гас Орлен, новиот спонзор на тимот од Фаенца.

Орлен дојде во Формула 1 со Роберт Кубица во 2019 година и ги здружи силите со Вилијамс една година. Од 2020 година до минатата сезона, тие беа во Алфа Ромео со "нивниот" возач како тест и резерва. Во АлфаТаури тие пристигнуваат сами во она што ќе биде нивно трето различно партнерство во пет сезони.

Во принцип, можеме да кажеме дека болидот, поточно, неговото обојување, остава добар впечаток, но повеќе ни се допаѓаа времињата кога доминираше белата боја. Друго прашање е какви резултати ќе забележат Јуки Цунода и Ник де Врис во 2023 година, чиј одговор ќе го дознаеме со текот на времето.

Франц Тост, тимски шеф, рече: "Како што знаеме, во последните неколку години,Формула 1 бележи огромен пораст на популарноста поради емисиите на Нетфликс и социјалните медиуми. Значи, исклучително е важно да продолжиме да растеме на овој пазар."

"Задоволен сум што можевме да ги презентираме нашите 2023 бои, овде во Њујорк, за да ја покажеме нашата благодарност кон американската публика. Исто така, мислам дека е ова одлична можност за АлфаТаури по прв пат да ја прикаже својата нова модна колекција во Америка."

Јуки Цунода: "Многу се забавував оваа недела во Њујорк, а исто така беше прекрасно да присуствувам на на денешниот настан, во една толку кул околина и за модната колекција и за нашето ново обојување за 2023 година. Класичните бои на АлфаТаури изгледаат одлично покрај новата облека и едвај чекам да ги пробам и двете оваа сезона!"

Ник де Врис додаде: "Ми се допадна да присуствувам на мојот прв настан како возач на АлфаТаури и можноста да го претставувам брендот на модната недела во Њујорк. Обојувањето изгледа одлично и можете да ја видите елегантната колекција како последица, па едвај чекам да го видам болидот на патеката."

"Влегувањето на американскиот пазар е уште еден чекор во нашето проширување", рече Ахмет Мерџан, извршен директор на АлфаТаури. "Нашата цел е да го направиме АлфаТаури подобро познат и убедени сме дека постојаното проширување на нашата продажна мрежа ќе даде важен придонес за ова."