Утринскиот тренинг беше на два пати прекинат со црвени знамиња, прво поради дефект на ГПС системот, а потоа поради проблеми со хибридниот дел на боолидот на Логан Сарџент, кој беше приморан да го паркира својот Вилијамс на патеката. Поради овој проблем тој не учествуваше на вториот тренинг.
Неговите механичари работеа на неговиот болид, но Амeриканецот не беше во можност да излезе од својата гаража. Кевин Магнусен ги загуби првите петнаесет минути поради проблеми со болидот.
По 15 минути почна да врне и повеќето возачи се вратија во своите гаражи, чекајќи го развојот на настаните. Ландо Норис реши да остане на патеката со гуми за суво време, но излета на лизгавите рабници, а Строл странично ја допре заштитната бариера.
После тоа акцијата на патеката продолжи само на интермедија гумите на Пирели.
Ленс Строл успеа да го изврте својот Астон Мартин и за малку избегна контакт со заштитните бариери пред да заврши во чакал покрај третиот свиок.
Така, времето на Алонсо забележано на почетокот на сесијата остана најбрзото време, а временската прогноза за остатокот од викендот не предвидува нови врнежи од дожд.
Пјастри, Сарџент и де Врис по прв пат ќе се тркаат на патеката во Алберт Парк, па тие се навикнуваа и адаптираа на нејзините карактеристики.
Поради проблеми со болидот, Ландо Норис не можеше веднаш да започне со работа. Во 11-тата минута, Магнусен помина низ чакал покрај третиот свиок и полека се врати во својата гаража, при тоа попречувајќи неколку возачи во нивниот брз круг.
Во 33-тата минута Јуки Цунода излета во првиот свиок, помина низ зоната со чакал и за малку не се заби во заштитните бариери, но на крајот успеа да дојде до својата гаража.
Тркачките инженери ја загубија можноста да ги предупредуваат возачите за брзите болиди во нивна близина, па некои буквално застанаа на патеката, што за малку ќе доведеше до инцидент, но ништо не се случи.
Системот набрзо беше обновен, а возачите изгубија нешто помалку од десет минути.
Во 54-тата минута Ферстапен се изврте на патеката по поминување низ рабниците, немаше оштетувања на неговиот РБ19, но сетот пневматици беше отпишан, па Макс се врати во својата гаража.
На четири минути до крајот на сесијата, болидот на Логан Сарџент мораше да го паркира својот болид на тревата на излезот од 12-от свиок поради дефект на хибридниот дел од Мерцедес погонската единица, па тренинг сесијата повторно беше прекината.
Времето беше кратко до самиот финиш, па стјуардите одлучија дека сесијата нема да продолжи. Макс Ферстапен го имаше најбрзото време, со речиси половина секунда предност во однос на Луис Хамилтон, кој беше втор на табелата.
Покрај тоа, болидите на Расел, Хамилтон, Пјастри, Норис, Ботас, Строл, Алонсо, Магнусен, Албон и Сарџент се опремени со нов издувен систем. Дополнително возачите на Мерцедес АМГ добија и нови менувачи.
За овие промени нема да има казни.
Одредени тимови подготвија нови делови за болидите, но, засега новините не се премногу големи.
Мерцедес АМГ не е задоволен од брзината на својот нов болид и, очигледно, планираат да направат многу сериозни промени во дизајнот на W14, но тоа ќе се случи подоцна, засега, на подот се појавија дополнителни аеродинамички елементи за подобрување на протокот на воздух насочен кон дифузорот.
MCL60 во Мелбурн има помал капак над моторот, бидејќи барањата за негово ладење не се толку високи како во трките на Блискиот Исток. Исто така, рабовите на подот беа подложени на некои измени, што беше направено за да се зголемат аеродинамичните параметри на оваа важна област на болидот.
Алфа Ромео, C43, доби малку поинаков облик на носот и предно крило, како и држачи за ретровизори. Болидот на АлфаТаури забележа голем број на измени во долната област, а тимот исто така извести дека дифузерот бил надграден.
Во тимот на Вилијамс на тренинг сесиите ќе испробаат модернизирано предно крило. Ферари и Астон Мартин не пријавија нови делови за овој викенд.
