Од друга страна, на возачите на Ред Бул им фалеше нешто помалку од две десетинки до најбрзото време на Шпанецот, додека Чарлс Леклер беше речиси половина секунда поназад во квалификациско, но и тркачко темпо.
Вториот тренинг во Бахреин дава најрелевантни времиња, бидејќи се одвива под исти услови и во исто време кога квалификациите започнуваат во сабота, т.е. трката во недела.
Оскар Пјастри имаше излетување од патеката поради проблеми со сопирачките и за малку не се судри со Строл. Ферстапен се пожали на недостаток на грип и стабилност на болидот, Џорџ Расел на силното загревање на седиштето, Чарлс Леклер за работата на кумплунгот.
Логан Сарџент и Ник де Врис имаа несигурност и излетување при десеттиот свиок, по грешките при сопирање. Интересно, во радио комуникацијата помеѓу Ленс Строл и неговиот тркачки инженер, дознавме дека десната рака се уште не е целосно заздравена, па при острите свиоци мора да се потпре на левата рака.
