Серџо Перез беше трет, а не многу зад нив беше Луис Хамилтон во Мерцедес АМГ кој се чини дека се подобри. Повеќето аналитичари се уште веруваат во Ферари, но со секоја измината сесија се повеќе се оддалечуваат од подиумот.
Саботниот тренинг во Бахреин се одвива преку ден и не е значаен премногу за тимовите, а повеќе внимание се посветува на тестирање нови делови и решавање на поголеми проблеми со балансот на болидот, со кој многу возачи имаа проблеми на вчерашните тренинг сесии.
Сите работеа со жолти и црвени гуми, додека Ред Бул ја започна сесијата на белите, а повторно Ферстапен се пожали на недостаток на грип. Како и вчера, ветерот многу пречеше, а болидите од новата генерација се премногу осетливи на промената на неговата насоката.
Квалификациите, се закажани за 16:00 часот, и во најава би требало бидат многу интересни! Петнаесет минути пред почетокот, овде, ќе постираме стрим за гледање во живо, за тие кои немаат можност да следат на спортклуб.
