Британецот имаше долг почетен стинт, кој беше дополнително продолжен во очекување на дождот, и влезе во бокс по интермедија гумите во вистинскиот момент, непосредно кога почна да врне.
Тоа му овозможи да прескокне голем број од возачите пред себе, вклучувајќи ги Естебан Окон и неговиот тимски колега од Мерцедес АМГ, Луис Хамилтон.
Сепак, неговата супер стратегија беше уништена кога тој излета во Мирабо. Не само што загуби драгоцено време, при повторното приклучување, тој го стори тоа небезбедно, заработувајќи казна од пет секунди.
Џорџ Расел си замерува дека имал мало дефокусирање, а пад на концентрацијата во Монако значи големи проблеми. Во неговиот случај го изгуби победничкиот подиум.
"Имаше жолти знамиња во тој дел од патеката, ја испуштив гаста и само што ја допрев сопирачката тркалата блокираа и јас само продолжив напред кон маршалот со жолтите знамиња."
"Тоа ми беше лекција дека кога не си целосно фокусиран на возењето, тогаш се случуваат грешки. Навистина сум разочаран, бидејќи ако не беше таа грешка, трофејот за третото место сега ќе беше во мои раце."
