Патеката Жил Вилнев беше позната по "ѕидот на шампионите", кој се уште постои, но беше поместен за метар подалеку, па така имаме помалку инциденти, за разлика од минатото, кога многу и од врвните возачи оставија "автограм" на него.
Формула 1 дојде во Канада во средината на 60-тите, четири години трката наизменично ги одржуваше на патеките Мон Тремблант и Моспорт, а потоа само во Моспорт, бидејќи другата беше прогласена за премногу опасна.
Во 1977 година, Француските Канаѓани, импресионирани од успехот на Жил Вилнев, ја изразија идејата за изградба на автодром во Квебек.
Градските власти пронајдоа два милиони долари, ги поврзаа патиштата на вештачкиот остров направен за олимписките игри во 1976 година и сè беше подготвено за Големата Награда на Канада во 1978 година.
Победник на инаугуративната трка беше Жил Вилнев, кој возеше Ферари 312Т3. Во 1982 година, откако Жил почина на квалификациите пред трката во Золдер , патеката го доби неговото име.
Патеката е интересена мешавина на долги, брзи правци и бавни свиоци. Високите крајни брзини на правците и стоп/старт карактерот на истата придонесува таа да биде класифицирана како една од најтешки за сопирачките на болидите.
Површината на канадската патека отсекогаш била нерамна, па со цврстата и ниска суспензија на болидите дизајнирани според прописите од 2022 година, возачите го чувствуваат секој удар.
Честите точки за сопирање доведуваат до високи температури на дисковите, а ефектот е дополнет со фактот дека правците, особено во првата половина на кругот, не дозволуваат доволно време за нивно ладење.
Италијанскиот производител и официјален снабдувач на Формула 1 со пневматици, традиционално ги номинира најмеките смеши во нивниот опсег. Оваа година не е исклучок, па на Ф1 тимовите им се понудени C3, како бели, C4 како жолти и C5 како црвени гуми.
Името го доби по трката во 1999 година, кога Дејмон Хил, Михаел Шумахер и Жак Вилнев удрија во ѕидот на излезот од последниот свиок. И да, покрај тоа што е поместен за еден метар, тој веќе не е ѕид во буквална смисла, туку ТекПро заштитна бариера.
По оваа трка на Жил Вилнев, не очекува серија од седум европски трки. Сите признаваат дека оваа сезона никој нема да може да се натпреварува со Ферстапен и Ред Бул и постепено ќе се префрла фокусот на 2024 година, што е сосема логично.
Патеката има многу висока веројатност за излегување на безбедносниот автомобил, кој може да го промени во целост текот на трката. Ова е една од причините зошто флексибилната стратегија често дава добри резултати, но патеката нуди многу повеќе можности за престигнување.
Според актуелниот договор, патеката Жил Вилнев треба да биде домаќин на трки до 2029 година, но трки ќе се возат и во 2030 и 2031 година, како надополнување на двете години, кога настанот не се одржа поради пандемијата.
Теоретски, најбрзиот начин е да се стартува на жолтите гуми, за потоа да се премине на два стинта со црвените гуми. Но, во графиката објавена од нивна страна, дали е грешка или не, како најбрза варијанта е поставена жолти-бели-бели или пак жолти-бели-жолти.
За оние кои почнуваат подолу на гридот, може да има аргумент за стартување со белите гуми и долг прв стинт, надевајќи се дека ќе го искористат максимумот од безбедносниот автомобил. Алтернатива е старт на жолтите и финиш на белите пневматици.
Ова е патека каде што можете да претекнете, така што позицијата на патеката не е толку важна како другите места.
"Што се однесува до интермедијата, видовме дека нивниот работен прозорец е сè уште многу широк, со оглед на конкурентните времиња поставени со нив во Q1 кога патеката беше практично сува."
"Сините гуми за дожд, кои во оваа нова спецификација не бараат претходно загревање, работеа како што се очекуваше без никакви проблеми со температурата уште од почетокот на нивната употреба."
"За трката се очекува суво време, но јасно е дека врнежите од дожд доведоа до одреден степен на ресетирање во однос на условите на површината на патеката."
"Што се однесува до стратегијата, ова може да биде трка со две застанувања во бокс, почнувајќи на жолтите, а потоа префрлувајќи се на црвените за следните два стинта."
"Едно застанување, старт на бели и префрлување на жолти, би можело да биде избор за оние кои трката ја стартуваат од втората половина на гридот, бидејќи ќе им овозможи поголема флексибилност да се справат со какви било евентуалности, особено на оваа патека каде што имаме често излегување на безбедносното возило."
Стјуардите на Канадското ГП го казнија Карлос Саинц Јр. со губење на три стартни позиции за неделната трка.
Возачот на Ферари беше прогласен за виновен за блокирање на Пјер Гасли во првата квалификациска сесија. Така Саинц Јр. наместо на П8 ќе стартува од П11.
Благодарение на неговата казна, Оскар Пјастри, Алекс Албон и Чарлс Леклер напредуваа за една позиција на гридот.
Стјуардите на трката за ГН на Канада го казнија Јуки Цунода со губење на три места на стартот поради блокирање на Нико Хулкенберг за време на квалификациите и на крајот ќе стартува како 19-ти.
Казна од три позиции заработи и Ленс Строл затоа што го блокирал Естебан Окон во свиокот 8 за време на квалификациите за Големата Награда на Канада. Така, Строл од П13 паѓа на шеснаесеттата стартна позиција, зад Кевин Магнусен, Валтери Ботас и Пјер Гасли.
Нико Хулкенберг се квалификуваше како втор во Монтреал, но ќе стартува само петти поради изречената казна од три позиции. Стјуардите му замеруваат затоа што не успорил доволно под црвени знамиња.
Обично во таква ситуација возачот губи десет места на стартот, но стјуардите земале предвид дека Хулкенберг се обидел да успори што е можно повеќе и бил збунет од звучните сигнали што ги примил, мислејќи дека е премногу бавно.
Важно е дека во ниту еден момент неговата брзина не била преголема.
Бариерата беше дизајнирана да ги спречи возачите да ја пресечат целата безбедносна зона и да се вратат на патеката во права линија по вториот свиок. Пред денешната трка, бариерата беше малку скратена, благодарение на што се појави тесен премин преку кој ќе може да се вратите на патеката по вториот свиок.
Во петокот возачите работеа на сув асфалт, во сабота врнеше дожд, а за време на трката не се очекуваат врнежи.
Возачите ќе го започнат загревачкиот круг во 14:00 часот по локално време, до кога воздухот ќе се загрее до +19 степени, веројатноста за врнежи е 15%.
