Ова беше, сигурно, најспектакуларниот Спринт откако беше воведен овој формат.
Макс Ферстапен, да, беше јасен фаворит за освојување на Победата, и никој не очекуваше дека на стартот ќе биде силно притиснат од својот тимски колега, но веќе во третиот свиок го врати првото место и, оттаму, неговото темпо беше недостижно.
Најтензичниот момент беше на самиот старт на спринтот, во првите метри. Макс не стартуваше најдобро и му дозволи на Серџо Перез да го престигне на патот до првиот свиок. Но, работата не заврши тука.
Холанѓанецот имаше подобар излез од првиот свиок и се обиде да го претекне тимскиот колега, но тој беше "истуркан" и со десните тркала се најде на тревата покрај патеката, а сите знаеме колку тоа е опасно кога имаме влажна патека.
Преку тимските радија и двајцата возачи се пожалија до своите инженери, но може да се каже дека двајцата беа на ивица на инцидент, нешто несвојствено за тим како Ред Бул.
Од тој момент, Макс можеше да го наметне своето темпо и Перез мораше да се справи со Хулкенберг, кого го престигна кога на Германецот започнаа да му откажуваат пневматиците, во дванаесеттиот круг.
Вистина е дека Перез изгуби многу време зад Хулкенберг, но мора да истакнеме и дека, кога веќе го престигна болидот на Хас, тој заостануваше 9.8 секунди зад својот тимски колега на половина спринт до крајот.
Сигурно Макс по хаосот во првиот круг сакаше да го покаже своето вистинско темпо за да стане јасно дека нема ривал во Ред Бул. Но, една работа изгледа јасно, ова нема да заврши тука.
Солидниот Карлос Саинц Јр. финишираше на третото место, додекавозачите на Астон Мартин го комплетираа Топ 5 поредокот, со Ленс Строл на четвртото место и Фернандо Алонсо на петтото.
Нико Хулкенберг со потрошени интермедија гуми, но во пласман во бодови, беше еден од првите возачи кои влегоа во бокс по гуми за суво време, а тоа му донесе шесто место и три поени, пред Естебан Окон и Џорџ Расел кој пак беше првиот возач кој стави гуми за суво, што му донесе пласман во поени.
