МАКС НИЖИ ПОБЕДИ, МЕКЛАРЕН ЗАСЛУЖЕНО НА ПОДИУМОТ

Макс Ферстапен забележа уште една победа во Формула 1, овој пат за Големата Награда на В.Британија. Денес, Холанѓанецот мораше да работи повеќе од очекуваното, бидејќи Мекларените, особено Ландо Норис, беа многу брзи, но добро се снајде под притисок на патот до 43-та победа во Формула 1.

Трката беше интересна од самиот старт. Веднаш стана јасно дека перформансите што ги прикажа вчера Мекларен не беа случајни, па Ландо Норис стартуваше како ракета и го презеде водството по првиот свиок.

Британецот успеа да го задржи болидот на Ред Бул зад себе до петтиот круг, а потоа можеше да го следи неговото темпо на блиска дистанца. Сепак, супериорноста на Ред Бул доведе до постепено зголемување на разликата по 10-от круг, кога Холанѓанецот тргна кон нова победа.

Ландо Норис мораше да се задоволи со заслуженото второ место, особено откако се одбрани на белите гуми во завршната фаза на трката, во блиската битка со Луис Хамилтон на црвените гуми (1.8 сек. разлика во перформанси).

Оскар Пјастри го комплетираше добриот настап на Мекларен со четвртото место, а деби пласманот на подиумот му го одзеде лошиот тајминг на излегување на БВ на патеката.

Џорџ Расел финишираше на петтото место, пред Серџо Перез кој по стартот од П15 можеше само до шестото место. Следуваше Фернандо Алонсо на 7-то место, кој во текот на трката имаше дефанзивна задача, без шанси за напад.

Алекс Албон заврши на осмото место, победувајќи ги возачите на Ферари кои повторно потфрлија во стратегијата. Чарлс Леклер освои два, додека Саинц Јр. еден поен. Доколку не се расипеа болидите на Алпин, најверојатно ќе беа надвор од освојувачи на поени.