Целосно пополнетите трибини во петок се ретка појава, но тоа беше случај во Мексико Сити. На првиот тренинг многу тимови имаа дебитанти, а на вториот воланот го презедоа главните возачи.
Тимовите работеа на вообичаената програма за подесување на болидите и проценка на перформансите на гумите, со акцент на квалификациите, бидејќи е тешко да се престигнува на оваа патека.
Повеќето од возачите беа на експерименталните гуми, C4, кои треба да се користат во 2024 година, но некои ги користеа белите и жолтите гуми на Пирели.
Потоа како по обичај се премина на квалификациски кругови со црвените гуми. Оскар Пјастри беше еден од првите на патеката и забележа време од 1:19.163 и автоматски се пласираше на првото место.
Алекс Албон овојпат не беше толку брз и заостана речиси три десетинки. Алонсо имаше добар прв сектор, илјадити дел зад Албон и Перез, но се изврте во 9-от свиок и неговиот брз круг беше уништен.
Валтери Ботас и Даниел Рикиардо беа невообичано брзи и се пласираа на четвртото и шестото место, а Серџо Перез е на петтото место. Седмото најбрзо време беше за Луис Хамилтон, пред Естебан Окон, Оскар Пјастри и Џорџ Расел во вториот Мерецедес АМГ.
Тимовите ги насочија своите програми кон подолги стинтови и фино подесување во пресрет на неделната трка, така што табелата остана „непроменета“ до крајот на сесијата.
