Денес на ред беа тимските шефови, да сумираат кој е најдобриот возач за 2023 година.
Во оваа анкета, спроведена од Формула 1, за разлика од возачите, учествуваа сите 10 тимски шефови.
Поените беа доделени според вообичаената шема: 25 – 18 – 15 – 12 – 10 – 8 – 6 – 4 – 2 – 1.
По пребројувањето, се покажа дека Макс Ферстапен е убедливо на првото место.
Резултатот е сосема очекуван, бидејќи Холанѓанецот победи го одржа високото ниво на настапи во текот на целата сезона и победи на 19 од 22-те трки.
Вчера самите возачи уште еднаш ја потврдија супериорноста на Макс Ферстапен, давајќи му го првото место во нивната анкета, нешто што го споделија и тимските шефови.
Холанѓанецот продолжува да освојува први места на табелата и по завршувањето на сезоната во која собори многу рекорди. Во симбиоза со неговиот RB19, тие се најдоминантниот тандем во историјата, по број на победи и број на освоени поени.
Осумте подиуми на Фернандо Алонсо со Астон Мартин, единствените што тимот ги забележа оваа година, беа доволни за доброто мислење на тимските шефови.
Така, промената на тимот што Шпанецот ја направи на крајот на 2022 година ја оценија како многу позитивен потег, имајќи предвид дека тој се искачи за вкупно шест места во овој пласман, во споредба со времето кога беше во Алпин.
Ландо Норис, кој заврши шести во генералниот пласман, беше трет најдобар возач за тимските шефови. Англичанецот успеа да го предводи камбекот на својот тим во вториот дел од годината и забележа вкупно седум подиуми.
Тој, заедно со Алонсо, се двајцата возачи со најголем напредок на оваа листа. Чарлс Леклер падна на четвртата позиција, пред Луис Хамилтон, кој загуби едно место во однос на неговиот резултат минатата година.
Карлос Саинц Јр., единствениот возач кој победи на трка оваа година, а не беше дел од Ред Бул, се искачи за едно место и се пласираше на шестата позиција.
Двајца возачи треба да бидат задоволни од оценките на тимските шефови, а тоа се Оскар Пјастри и Алекс Албон, на седма и осма позиција на табелата, единствените нови кандидати во оваа Топ 10 листа.
Австралиецот имаше многу добар настап во својата дебитантска Ф1 сезона. Иако тој заостана далеку зад својот тимски колега по број на освоени поени, но Мекларен го оцени неговото деби повеќе од позитивно.
И Вилијамс е во слична ситуација. Иако Алекс Албон веќе има акумулирано големо искуство во Ф1 шампионатот, тој успеа да го преземе водството во својот тим и освоените бодови го искачија неговиот тим на седмото место кај Конструкторите.
Џорџ Расел и Серџо Перез, кој и покрај тоа што се пласираа на второто место во шампионатот на возачи, беа со најлош пласман на оваа табела. Британецот е деветти, шест места послабо од лани, а Мексиканецот е десетти, со назадување од пет позиции во споредба со 2022 година.
Ниту еден од нив не беше на исто ниво со своите тимски колеги во текот на целата сезона, особено тоа беше изразено кај Чеко, иако имаше ветувачки почеток на 2023 сезоната.
