ЗАУБЕР C44 - РЕВОЛУЦИЈА НА И НАДВОР ОД ПАТЕКАТА

Тоа не е вид на Формула 1 болид што некогаш сте го виделе. Агресивен, возбудлив, различен, и на патеката и надвор од неа, C44 конечно е прикажан и веќе се зборува за него во светот на мотоспортот.

Заубер го презентираше новиот 2024 болид во историскиот амбиент на лондонскиот Гилдхал, но немаше ништо конвенционално или сталожено во врска со тоа.

Имаше лутина во настанот, чувството да се биде на почеток на нова ера, да се биде сведок на раѓање на нов начин на тркање: но, и покрај присутните ѕвезди и гламурот на сцената, сите погледи беа вперени во новиот болид.

Валтери Ботас и Џоу Гуанју, ја кренаа покривката од најновото уметничко дело што излезе од Хинвил.

Облечен е во атрактивна црна и Fluo Racing зелена боја, самата сјајна, виридесна нијанса е резултат на импресивната развојна работа на тимските партнери, BASF. Изгледот и чувството на C44 го редефинира она што треба да го очекуваме на патеката.

C44 ќе привлекува внимание, ќе се вртат погледи кон него, центар на вниманието на секој ТВ екран, точка на фокус на секоја фотографија. Тоа не е вообичаен Ф1 болид: не е почит кон минатото, туку поздрав кон новата и возбудлива иднина, онаа која вклучува сè што е одлично за нашиот спорт и го издигнува на следното ниво.

Новиот 2024 болид е резултат на неуморната работа на стотици луѓе во Хинвил, кои со месеци го дизајнираа, развиваа, произведуваа и конечно го склопуваа новиот болид со растечко чувство на возбуда. Тоа е производ на решеноста на техничкиот тим, предводен од техничкиот директор, Џејмс Ки, да направи одлучувачки чекор напред, борејќи се за места кои што тимот ги има за цел оваа сезона.

C44 е значително отстапување од неговиот претходник, C43: воведени се низа промени, некои многу видливи, некои посуптилни, за да се зголемат неговите перформанси и да се отворат нови области на развој.

Највидливата промена е префрлањето кон pull-rod предна амортизација, во споредба со push-rod системот на C43. Промената е доказ за напорната работа на сите во Хинвил и главно е поттикната од желбата да се отклучат нови аеродинамички придобивки.

C44 има и агресивно редизајниран аеро-пакет, со забележлив развој евидентен во страничните подножја и капакот на моторот, кои ги носат постоечките концепти до нови крајности и ја прикажуваат способноста на тимот да го спакува болидот во намалени простори, промена која исто така бара редизајн на многу од внатрешните делови на болидот и целосно нов под, клучна област за генерирање на потисна сила.

И, со новите развојни патишта отворени со изборите направени при создавањето на C44, дизајнерскиот тим веќе е зафатен со финализирање на некои важни ажурирања што ќе бидат донесени во воведните трки од шампионатот, бидејќи тимот има намера да биде силен играч во трката за развој.

C44 ќе го има првиот тест веќе во петок, за време на филмскиот ден на патеката Каталуња, пред да отпатува во Бахреин за трите тест дена што го означуваат официјалниот почеток на сезоната.

Дури тогаш, и на трката веќе следната недела, ќе знаеме колку е добар C44. Засега, знаеме дека веќе е на врвот на табелата за најхрабар, агресивен и оригинален болид.

Досега, Алфа Ромео беше одличен спонзор за Заубер. На корпоративните настани, возачите се чувствуваа како членови на фабрички тим на позната марка, учествуваа во нејзините настани, сè изгледаше сосема логично.

Ќе беше логично да се вратиме на брендот Заубер пред идната транзиција кон Ауди, но сопствениците на тимот избраа поинаков пристап, така што во следните две години, во некои фази тимот ќе се вика Стејк Ф1, во други, каде што рекламирањето на онлајн казино е забрането, ќе настапува под брендот Кик, платформа за стриминг во сопственост на истиот Стејк. За нас останува едноставно Заубер!

Во историјата на тимот, нумерирање на моделите, именувани по сопругата на Питер Заубер, Кристијане, останува и понатаму. Новиот болид, претставен од тимот од Хинвил, Швајцарија, ја доби ознаката C44.