Новиот Мекларен дрес за Монте Карло ги содржи жолтите, сините и зелените бои на неговата тркачка кацига.
Точно пред 20 дена се одбележаа 30 години од смртта на бразилската легенда, па и на последната трка во Имола, имаше неколку почести, меѓу кои и настапот на Себастијан Ветел со Мекларен MP4/8.
Тимот од Вокинг сакаше да оди чекор понатаму, па нивната голема почит кон него ќе биде искажана во Монако, каде Аиртон Сена секогаш го истакнуваше својот неизмерен талент.
Зак Браун, извршен директор на Мекларен: "Горди сме што ги славиме извонредните достигнувања на Аиртон Сена со овој нов дизајн на болидите на Мекларен. Тој останува еден од најголемите херои во Формула 1 и еден од најуспешните возачи на Мекларен."
"Неговата важност за Мекларен е огромна, и не само поради неговите спортски резултати, неговото сеќавање и неговото наследство секогаш ќе бидат со нас. Сметаме дека е чест да му ја посветиме оваа трка, на патеката каде што постигна извонреден успех ќе се тркаме во неговите бои."
"Мекларен му значеше многу и заедно постигнаа многу успеси, од кои многумина се сеќаваат на него и денес. Ќе биде посебно да се види како се трка по улиците на Монако, патека што му даде толку многу радост и многу триумфи."
Тимот, исто така, ќе носи униформи инспирирани од Сена за викендот во Монако, како и уникатни тркачки комбинезони за Ландо Норис и Оскар Пјастри.
