Актуелниот шампион беше најбрз во сесија со многу тест излегувања на патеката во барање на најдобрите поставки за вечерните спринт квалификации и утрешниот спринт.
Значи, и овој викенд во Мајами се одржува во спринт формат со само една тренинг сесија, па патеката не беше празна. Времето беше добро, но имаше силен ветер.
Пред тренингот сите разговараа за разделбата на Ред Бул и Адријан Њуи. Британецот влезе во боксот на тимот, каде персоналот го поздрави со аплауз, а сесијата ја следеше од пит-ѕидот.
Најголем губитник беше Чарлс Леклер, кој само по осум минути на патеката успеа да изгуби контрола врз својот црвено-син за оваа трка SF-24.
Сесијата мораше да биде прекината, бидејќи болидот на Ферари ја блокираше патеката, а Чарлс се врати пеш во својата гаража. Паузата траеше осум минути.
Макс Ферстапен имаше големи проблеми во контрола на својот РБ20, но повторно успеа да биде најбрз со црвените гуми на Пирели. Речиси сите возачи имаа ситни грешки барајќи ги "вистинските" позтавки.
Времињата се многу блиски и сме во очекување на интересни спринт квалификации со почеток од 22:30 часот.
