Неговиот број од 12 титули кај конструктори, придружени со 13 шампионски титули за возачи освоени со неговите болиди, кажува се што треба да знаете за неговото влијание.
Но, успехот во Ф1 никогаш не се сведува на само еден поединец. Најголемите генијалци во светот никогаш нема да постигнат успех доколку ги немаат вистинските луѓе и инфраструктура околу себе.
Ова е нешто за што и самиот Њуи е свесен, и веројатно објаснува многу за тоа зошто сакал да ја посети фабриката, нешто што се случи тајно пред Големата Награда на Шпанија, за да види сам што може да понуди Астон Мартин.
Неговата сила е во обединување на сите "мозоци" на тимот, кои ќе ја разберат и работат на неговата визија за тоа како би изгледал победничкиот Ф1 болид.
Не е за него да го дизајнира последниот шраф од Ф1 болидот, тој е таму за да размислува за поголема слика, да ги предизвикува областите за кои мисли дека не се во согласност со неговите стандарди и да остане чекор понапред од конкуренцијата.
Назначувањето на Адријан Њуи е уште една изјава за амбициите на Астон Мартин во Формула 1.
Подготвен за нешто ново во Формула 1, Адријан гледа на Астон Мартин како идеален проект за примена на неговите насоки и креативност.
Приватната турнеја низ новиот кампус се покажала како одлучувачки фактор во процесот на донесување одлуки.
Сега "умот" на Адријан ќе треба да придонесе интерграција на погонските единици на Хонда во болид дизајниран и конструиран по новите техничките правила за 2026 година.
"Лоренс е решен да создаде победнички тим. Тој е единствениот мнозински сопственик на тим кој активно се занимава со овој спорт."
"Неговата посветеност се покажува во развојот на новиот технолошки кампус и воздушен тунел во Силверстоун, кои не само што се најсовремени, туку имаат распоред што создава одлична средина за работа."
"Заедно со одлични партнери како Хонда и Арамко, тие ги имаат сите клучни делови од инфраструктурата потребни за да се направи Астон Мартин тим кој освојува шампионски титули и со нетрпение очекувам да помогнам да се постигне таа цел."
"Ова е најголемата вест откако името на Астон Мартин се врати во спортот и уште една демонстрација на нашата амбиција да изградиме Формула 1 тим способен да се бори за шампионатските титули."
"Штом Адријан стана достапен, знаевме дека треба да го ангажираме. Нашите првични разговори потврдија дека постои заедничка желба да соработуваме во можност што се случува еднаш во животот."
"Кога виде што изградивме во Силверстоун, која талентираната група на луѓе ја собравме и ќе го имаме најмодерниот воздушен тунел во овој спорт, тој брзо сфати што се обидуваме да постигнеме."
"Адријан ја споделува нашата глад и амбиција, тој верува во овој проект и ќе ни помогне да го напишеме следното поглавје во приказната за Формула 1 тимот на Астон Мартин."
"Со Адријан се натпреварувавме на патеките долги години и би рекол дека тој беше извор на мојата инспирација. Неговиот талент и болидите што ги создава не туркаат сите да станеме подобри луѓе."
"Ова се однесува на возачите, инженерите и воопшто на тимовите, за да се натпреваруваме со него, моравме да си поставуваме сè потешки задачи и да работиме сè поинтензивно."
"Дојде неверојатно важен ден за нашиот тим. Лоренс Строл чекор по чекор ја реализира својата визија, бидејќи веќе е изградена нова фабрика, нов воздушен тунел, потпишан е договор со Хонда, со Адријан, со партнери и спонзори."
"Со мојата претстојна соработка со Адријан Њуи, има големи можности за мене на професионален план и ќе продолжам да ја носам зелената униформа."
"Но, исто така е важно што од човечки аспект можам да научам многу од него, од другите инженери во тимот, не само за она што се случува на тркачките патеки, туку и надвор од нив."
