Младиот Британец беше најбрз во сесијата во која Мекларен започна да ја открива својата брзина, по резервираниот настап на петочните тренинг сесии. Тие се главниот фаворит за Пол позицијата во Баку, која не е толку важна како на останатите градски патеки.
По "жешкиот" петок, саботното утро се покажа како облачно. Имаше многу мал дожд, но во споредба со петокот, тркачката линија беше покриена со слој од искористена гума, но возачите не брзаа да излезат на патеката, чекајќи да се исуши асфалтот.
Зад болидите немаше прскање од вода, но никој не сакаше да ризикува инцидент неколку часа пред квалификациите. На почетокот имавме само проба со подготвителни кругови без да се забележи време.
По продолжението на сесијата возачите излегоа на патеката на црвените гуми, но повторно се појавија црвени знамиња. Дебитантот во болидот на Хас, Оливер Берман, не успеа да го помине, нити да ги одбегне заштитните бариери покрај првиот свиок, оштетувајќи го болидот.
Кога продолжи акцијата возачите повторно возеа на црвените гуми, но поради постојаните паузи, никој не можеше да комплетира серија кругови на потврдите гуми.
Перез му попречи на Саинц Јр. во 15-от свиок, а стјуардите ќе го разгледаат овој инцидент. Обично нема поголеми казни за овој тип инциденти на тренинг сесиите.
