Па така, Британецот, и повеќе од очекувано, ја освои Пол позицијата за утрешната Голема Награда на Сингапур, победувајќи го Макс Ферстапен со предност од две десетинки разлика, што беше сосема неочекувано.
Оскар Пјастри, во вториот болид на Мекларен, не се снајде најдобро и успеа да го забележи само 5-тото најбрзо време во финалниот сегмент кој беше прекинат поради излетувањето на Карлос Саинц Јр.
Макс Ферстапен успеа да го исцеди RB20 до максимум и се пласираше на првиот стартен ред веднаш до својот најголем конкурент за Титулата. Двајцата од позади ќе треба да внимаваат на возачите на Мерцедес АМГ, со Луис Хамилтон на третата позиција и Џорџ Расел четвртата.
Нико Хулкенберг повторно настапи над очекувањата и утре ќе стартува шести, пред Фернандо Алонсо кој исто така извади што можеше од болидот на Астон Мартин и Јуким Цунода во болидот на РБ.
Веднаш пред него ќе стартува и неговиот тимски колега, чиј единствен брз круг беше избришан поради нарушување на границите на патеката.
Ред Бул од вчера до денес направи голем скок исто како Мерцедес АМГ, Ферари испаднаа од равенката кога се изгледаше дека ќе атакуваат на пол позицијата. Останува да видиме, дали Норис овојпат ќе успее да ја задржи позицијата по првиот круг.
Големата Награда на Сингапур е закажана за 14:00 часот по Македонско време.
Оваа година, ФИА дури додаде и четврта ДРС зона, но тимовите сепак се потпираа на квалификациите кога ги поставуваа своите болиди. Сите сесии досега се одржаа на сув асфалт.
Пирели за овој викенд ги донесе најмеките смеши C3, C4 и C5 во улогата на бели, жолти и црвени гуми, но на лизгавиот асфалт многумина се пожалија на лош грип.
