Тој ќе биде алтернативата во случај Џорџ Расел или Андреа Кими Антонели да бидат болни и да не можат да настапат. Времето на Ботас во Формула 1, барем засега, е историја.
Заубер го избра Габриел Бортолето како втор возач за идниот проект на Ауди. Во секој случај, Валтери чувствува дека сè уште има што да каже во највисоката класа на мотоспортот и се реши да биде резерва во 2025 година за да продолжи во падокот.
Финецот се враќа во Бракли, каде помина пет убави години и беше дел од една од најдоминантните периоди во историјата на Формула 1. Како нивни возач тој забележа 10 победи, 10 Пол позици, 58 пласмани на победничкиот подиум.
"Сакам да му се заблагодарам на Тото, тимот и сите оние кои ме пречекаа со раширени раце. И покрај тешкотиите што ги имав во последните години, знам дека имам уште многу да придонесам во Формула 1."
"Имав среќа да поминам 12 години на гридот и се враќам на местото каде што живеев одлични моменти. Сакам да го искористам целото мое знаење за да му помогнам на тимот да настапи и да напредува за да ја исполни целта да се бори за титули."
По три години, Тото Волф и Ботас повторно се обединуваат. Австриецот отсекогаш високо го ценел придонесот на Финецот и раководеше со неговата кариера долги години.
Тото Волф: "Добро дојде дома, Валтери. Прекрасно е што се врати. Твојот придонес во петте години кога беше со нас беше огромен. Освен што победивме на неколку трки, одигра витална улога во нашите титули."
"Твоите повратни информации беа многу важни во тој успех и не само тоа, туку тој е фантастичен колега, неговата смисла за хумор и личност го прават многу сакана личност во Бракли и Бриксворт."
