Ден по заедничката презентација, новиот болид на тимот, со ознака VCARB 02 беше презентиран на филмскиот ден на патеката Имола, на кој учествуваа Јуки Цунода и Исак Хаџар.
Ден кога сите очи беа вперени во Ферари, кои го тестираа својот нов болид SF-25. Таа среда, 19 Февруари, не работеше само Ферари на патеката, туку и тимот на Рејсинг Булс кои имаа филмски ден во Имола.
Покрај главните возачи, во Имола работеше и Лиам Лосон. Новозеланѓанецот го возеше болидот од 2023 година како дел од неговата подготовка за преселба во Ред Бул.
Новиот болид на Рејсинг Булс е изграден врз основа на RB20, со кој Макс Ферстапен ја освои својата четврта шампионска титула во 2024 година.
"Не можам да кажам дека тоа го искористивме 100%, но меѓу главните компоненти што беа позајмени беа менувачот и амортизацијата. Минатата година имавме и успешни настапи и тешки трки. Тимот се обидуваше да разбере зошто на болидот му недостасуваше стабилност и се надевам дека го решивме тој проблем во новиот болид."
За новата сезона во Рејсинг Булс се одлучија за радикална измена на дизајнот на обојување на VCARB 02. Новиот дизајн се заснова на белата боја и од Ф1 фановите ширум светот е оценет како најубавиот од 10-те презентирани дресови на церемонијата во Лондон.
ЏОДИ ЕГИНТОН, ТЕХНИЧКИ ДИРЕКТОР
- Со непроменети техничките прописи, дали овогодинешниот болид е јасна еволуција на VCARB01?
ЏЕ: "Тоа е силна аеродинамична еволуција и помалку драматична механичка еволуција. Ние воведовме многу делови за овој болид кон крајот на минатата сезона на болидот од 2024 година, што е стратегија што ја користевме во минатото."
"Поголемиот дел од механичките делови се пренесени од минатата сезона, па затоа ова е значителен аеродинамички проект со дополнителен предизвик за одлучување како да се развие овој болид заедно со болидот за 2026 година, и како и кога целосно да се фокусираме на 2026."
- Изгледаше дека минатогодишните перформанси на болидот значително се разликуваат од патека до патека. Дали е тоа нешто на што посветивте поголемо внимание за оваа сезона?
ЏЕ: "Фер е да се каже дека болидот не функционираше како што сакавме и тоа е секако нешто што внимателно го набљудуваме и се обидуваме да го решиме на овогодинешниот болид."
- На кои области од болидот особено се фокусиравте?
ЏЕ: "Посебно внимание посветивме на аеро оперативниот опсег. Секој посакува болид кој има што поголем оперативен прозорец. Тоа ја олеснува работата на возачите, им олеснува на инженерите да се сетира болидот. Нашиот фокус се префрли на научените лекции од минатата година, особено во последната третина од сезоната."
ЏЕ: "Мислам дека е. Сакате што е можно побрзо да добиете темелно разбирање на болидот на различни патеки и различни работни услови. Важно е да се изградите слика и да го развивате болидот врз основа на тоа."
"Сепак, во текот на сезоната, вие и сите други тимови се развивате и вашите силни страни и слабостите еволуираат. Можеби ќе бидете успешни во одредена област, а потоа мора да го префрлите вашето внимание на друга."
"Значи, тоа е подвижна цел каде треба да го развивате болдиот затоа што се натпреварувате против девет други тимови кои исто така се развиваат во различни насоки."
"Нашиот развој на почетокот од минатата сезона беше разумно добар, но надградбите воведени во средината на сезоната не беа толку успешни. Дополнителните надградби кон крајот на годината дадоа доста добри резултати, но ние не ги разбиравме до крај сите нивни нијанси до многу доцна во сезоната, па имавме добра основа за разој во текот на зимата. Тоа значи дека ќе го искористиме нивниот потенцијал многу подобро на најновиот наш болид за новата сезона."
НОВ ВОЗАЧ
Тимот се одлучи тимски колега на Јуки Цунода да му биде 20-годишниот Исак Хаџар, кој ќе ја има неговата дебитантска Ф1 сезона. Хаџар брзо се промовираше како исклучителен талент во пониските категории на мотоспортот. Воедно, тој станува 19-ти возач кој ќе биде промовиран во Ф1 од Јуниорската програма на Ред Бул.
Јуки Цунода влегува во својата 5-та сезона со истиот тим откако покажа забележителен раст во перформансите и конзистентност во настапите. Јапонецот забележа неколку лични најдобри резултати во 2024 година.
"Кон крајот на минатата година имав посилен ментален склоп на размислување и имав поголема контрола отколку на почетокот на сезоната. После тоа сакам да бидам уште поконцентриран и да работам на подобрување на малите финеси."
"Тоа може да ја направи разликата и да ни овозможи да продолжиме да се бориме во топ 10, во она што очекувам да биде уште потесна битка за оваа година. Ќе одам чекор по чекор, но се чувствувам самоуверено."
"Јуки беше составен дел од сите промени што ги инициравме минатата година и со започнувањето на дебитантска сезона на Исак, Јуки ќе биде лидер на тимот и витална компонента на нашите планови за претстојната сезона."
"Исак, уште еден дипломец на јуниорскиот тим на Ред Бул, покажа голема брзина во сите шампионати на својот пат до Ф1 и ние сме заинтересирани да видиме што може да направи во врвниот мотоспорт."
"Отсекогаш, основата на овој тим била да носи и азвива млади возачи за семејството Ред Бул и со текот на годините, ние дефинитивно успеавме во тоа. Со нетрпение очекувам да видам како тие двајца ќе соработуваат на вистинската патека, за да донесат голем успех за Рејсинг Булс оваа година!"
"Сакаме да продолжиме напред и да се вклучиме со нашата постојано растечка база на фанови на Gen Z и да продолжиме да обезбедуваме одлични трки во комбинација со малку забава и музика и алтернативна култура."
Почнувајќи од Мелбурн, еден од најголемите музички градови во светот, Garage Sessions ќе ги покани фановите да танцуваат цела ноќ додека шумот на првиот тркачки викенд го надминува градот. Тимот бара нов диџеј кој ќе им се придружи на мноштвото хедлајнери на забавата во петок навечер.
