МАКС ДОМИНИРАШЕ, ЏОРЏ И КАРЛОС СЕ ИСКАЧИЈА НА ПОДИУМОТ

Макс Ферстапен го заокружи викендот на шампионско ниво со својата 67-ма победа во Формула 1, негова втора последователна по Монца.

Релативно лесен триумф за четирикратниот шампион, кој имаше совршен старт во Баку и го одбрани своето водство до крајот со најдобрата стратегија, старт на бели гуми кои се покажаа како вистинскиот избор, возење долг прв стинт за да се покријат сите потенцијални излегувања на безбедносното возило и лесно менаџирање на последниот стинт со жолтите гуми.

ПРИДРУЖЕТЕ НИ СЕ ВО НАШИТЕ ВАЈБЕР И ТЕЛЕГРАМ ГРУПИ, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

ВАЈБЕР - КЛИК ТУКА ЗА ДА СЕ ПРИДРУЖИТЕ

ТЕЛЕГРАМ - КЛИК ТУКА ДА СЕ ПРИДРУЖИТЕ

Холанѓанецот сега е 69 поени зад лидерот во шампионатот на возачи, бидејќи Оскар Пјастри го заокружи својот викенд со судир во бариерите во првиот круг, откако имаше предвремен старт на трката и пад на последното место.

Ова е првата посериозна грешка на Австралијанецот во речиси совршената сезона, но уште еднаш, Ландо Норис не успева да ја искористи. Британецот остана заглавен во сообраќајот во текот на целата трка, продолжувајќи го својот прв стинт со жоти гуми со надеж за безбедносно возило, но на крај мораше да се задоволи со седмото место.

Со оглед на ужасниот викенд на Пјастри, Норис имаше шанса да надомести многу повеќе од шест поени, а на крајот од годината можеби ќе се кае за овој викенд како и оние во Монтреал и Зандворт.

Во отсуство на возачите на Мекларен и Ферари, со разочарувачки настап во споредба со петокот, шанса добија аутсајдерите.

Карлос Саинц Јр. и Лиам Лосон ги потврдија своите одлични квалификациски перформанси, финиширајќи на третото и петтото место, соодветно. Ова беше прв подиум за "Smooth Operator" со Вилијамс, додека неговата замена во Ферари, Луис Хамилтон, сè уште е без пласман на подиумот.

Мерцедес АМГ беше тимот кој совршено ја спроведе својата стратегија, овозможувајќи му на Џорџ Расел да го престигне Карлос низ боксевите. Кими Антонели, долго време се бореше за место на подиумот, но заврши на четвртото место.

Ферари беше посебна приказна. На SF-25 му недостасуваше брзина за да ги престигнат возачите на Рејсинг Булс, а ни Ред Булот на Јуки Цунода, кои беа неверојатно брзи на правците.

Чарлс Леклер го престигна Норис на почетокот, но не успеа да го задржи зад себе. Причината останува непозната, барем за нас. Ова беше патека каде требаше да бидат многу побрзи на папаја болидите на правците.

Фрустрирачката трка за Моначанецот, неговото трпение попушта, па откако му ја отстапи позицијата на Луис Хамилтон, која на крај не успеа да ја врати. Едноставен потег, но лошо изведен, кој ја доловува состојбата во Маранело.

За две недели, битката ќе продолжи во Сингапур, каде што речиси сигурно ќе биде решена судбината на Шампионатот на конструктори.