МАКС ЌЕ ДЕБИТИРА НА ЗЕЛЕНИОТ ПЕКОЛ, ВО САБОТА ЌЕ НАСТАПИ ВО GT3 ШАМПИОНАТОТ

Макс Ферстапен ќе се врати на Нордшлајфе во сабота, каде што ќе го има своето деби во GT3 шампионатот, возејќи Ферари подготвено од тимот на Емил Фреј Рејсинг.

Веднаш по победата на Големата Награда на Италија во Монца, Ферстапен се упати кон Нирбургринг за да учествува на 64-от ADAC ACAS куп.

Таму, Макс се врати на позиција почетник, завршувајќи неколку тестови, вклучувајќи кругови зад инструктор, пред да ја добие дозволата за тркање, делејќи го детјунираниот Porsche 718 Cayman GT4 со Крис Лулам.

Ферстапен комплетираше над 14 круга, за да обезбеди дозвола, на крајот завршувајќи на 27-мо место во генералниот пласман, обезбедувајќи пласман меѓу првите 10 во класата, прво во категоријата - Гостин.

Популарноста на дебито на Ферстапен беше огромна, со над еден милион гледачи кои ја гледаа трката на интернет, додека 50.000 фанови го посетија Нирбургринг за да го видат актуелниот Ф1 шампион во акција.

Исто така, постои можност Ферстапен да го има своето деби на трката 24 часа Нирбургринг, која ќе се одржи следниот мај, ако добие дозвола од неговите шефови во Ред Бул за да се натпреварува.

По викендот на Нирбургринг, Ферстапен се врати во болидот на Ред Бул на трката за Големата Награда на Азербејџан, одржана на улиците во Баку. Ферстапен ја победи конкуренцијата, забележувајќи ја својата четврта победа во 2025 година, со што се доближи на 69 поени од лидерот во шампионатот, Оскар Пјастри.

Откако ќе заврши викендот на Ферстапен во Германија, актуелниот шампион ќе патува во Азија за Големата Награда на Сингапур, која се одржува на патеката Марина Беј. Сингапур е единствената трка на која Ферстапен никогаш не победил, па тој ќе се обиде да го поправи тоа и да обезбеди хет-трик од победи.

За своето второ возење на Нирбургринг, 57-ма награда ADAC Барбароса во сабота, Макс ќе се натпреварува со Ферари 296 GT3, каде што повторно ќе биде тимски колега со Крис Лулам.

Холанѓанецот претходно го тестираше 296 GT3 на Нирбургринг во мај, поставувајќи го неофицијалниот рекорд во GT3 под псевдонимот Франц Херман за да избегне откривање од фановите и печатот.

Ферстапен и Лулам ќе се соочат со тешка задача да победат во сабота, при што многу од редовните возачи на Нордшлајфе ќе учествуваат во борбата против овој невообичаен тандем.

Меѓу оние на листата од 110 пријавени автомобили се и Форд Мустанг од Хаупт Рејсинг Тим на Френк Штиплер и Винсент Колб, победници на претходната трка од NLS, 64-тото издание на ADAC Рајнолдус-Лангстрекенренен. Хаупт Рејсинг ќе има два Мустанг автомобили во трката.

Меѓу фаворитите за победа во генералниот пласман е и автомобилот со број 34, Валкенхорст Моторспорт Астон Мартин Вантејџ, во чија постава е официјалниот рекордер на патеката Нирбургринг, Кристијан Кроњес.

Ферарито на Ферстапен и Лулам е наведено како број 31 на официјалната листа на учесници. Навивачите кои не можат да бидат присутни на патеката, во сабота можат да ја гледаат акцијата на YouTube, а шестчасовната забава започнува во 12:00 часот по локално време.

Макс Ферстапен: "Моја страст е да учествувам во вакви GT3 трки. Едвај чекам Страствен сум за трките, исто така и надвор од Формула 1. Секој круг на Нордшлајфе е поинакво искуство."

"Атмосферата е исто така навистина добра и присутни се многу фанови. Мое хоби е да се тркам во други категории освен Формула 1. Мојот сон е конечно да учествувам во 24-часовната трка на Нирбургринг Нордшлајфе."

Макс во последните викенди: Победа на Монца, добивање дозвола за Нирбургринг, Победа на Баку. Овој викенд повторно ќе се трка на Нордшлајфе, веќе следниот викенд е Големата Награда на Сингапур.