Клучот за трката беше стартот. Ферстапен секогаш ја контролира брзината, и иако Норис имаше добар старт и се обиде да го турне ривалот настрана, тој закочи малку предоцна во првиот свиок, со тоа предвајќи му го првото место на четирикратниот шампион.
Оттогаш, неговото темпо беше супериорно во однос на останатите, и тој лесно стигна до својата 69-та победа во Формула 1. Титулата е тешка за достигнување, но математички сепак е можна со две трки до крајот, Катар и Абу Даби.
Ландо Норис останува на врвот на табелата во Шампионатот на возачи, зголемувајќи ја својата предност пред Оскар Пјастри на 30 поени, во случајот на Макс, разликата се намалува, иако тој сè уште заостанува 42 поени.
Со оглед на тоа што преостануваат две трки, од кои едната е со Спринт формат, тоа се вкупно 58 поени за освојување, па Ландо почнува да ја држи битката под контрола.
Кими Антонели имаше спектакуларен финиш на трката и, и покрај казната од пет секунди, го задржа Оскар пред себе, но го изгуби четвртото место, а го задржа петтото со помалку од две десетинки од секундата предност пред Чарлс Леклер, кој беше на многу понови гуми.
Одличен кам-бек од италијанскиот возач, кој стартуваше од седумнаесеттата позиција и влезе во бокс по само два круга за да комплетира 48 на белите гуми, покажувајќи дури и подобро темпо од Оскар Пјастри на крајот.
Карлос Саинц Јр., очигледно, немаше болид способен да се натпреварува со возачите од најбрзите четири тима, па падна од третото место на седмо место, предводејќи го средниот ред пред Исак Хаџар, Нико Хулкенберг, па дури и Луис Хамилтон.
Николас Томбазис, директорот на ФИА за болиди едноседи, влегол во гаражата на шампионскиот тим за да разговара со Андреа Стела и лично да му потврди што се случило.
Неколку минути подоцна, пристигна и официјалниот документ од Федерацијата. Болидите на Ландо Норис и на Оскар Пјастри се под официјална истрага поради сомневање за прекумерно абење на подот.
Тоа е монтираната штица на подот од болидите што се трие од асфалтот, чија дебелина е 10 милиметри и не може да се истроши повеќе од 1 милиметар.
На болдиот на Ландо Норис на две мерни точки потрошеноста била 8.88 и 8.93, додека кај Оскар Пјастри на три мерни точки потрошеноста била 8.96, 8.74 и 8.9. ФИА користи мерен инструмент со точност од 0.001!
Неправилности од овој тип веќе доведоа до дисквалификации на Луис Хамилтон во Кина и Нико Хулкенберг во Бахреин оваа година.
Дисквалификација на двата Мекларена, доведе до промоција на двата возачи на Мерцедес АМГ на победничкиот подиум. Џорџ Расел втор и Кими Антонели на трето место.
Во табелата кај возачите, Норис останува удобно на чело со предност од 24 поени пред Оскар Пјастри и Макс Ферстапен, двајцата изедначени со 366 поени.
Временските услови за трката беа многу поразлични: сув асфалт и температура од 24 степени Целзиусови. Според Пирели, стратегиите можеа да се движат од едно до две застанувања во боксот.
Стартот беше фантастичен. Ландо Норис имаше добар старт и жестоко го блокираше Макс Ферстапен, но тој закочи предоцна на влез за првиот свиок, губејќи контрола врз Мекларенот, а со тоа предавајќи му го водството на Холанѓанецот, а второто место на Џорџ Расел.
Карлос Саинц Јр. падна на четвртото место, а Исак Хаџар се искачи на петтото, пред Лиам Лосон и Оскар Пјастри. Оливер Берман се проби на осмото, а Фернандо Алонсо падна на деветтото место откако беше засегнат од контактот меѓу Лосон и Пјастри.
Контактот резултираше со многу делови расфрлани карбонски делови по патеката. Помал контакт имаше меѓу Оскар Пјастри и Лиам Лосон, по што болидот на Рејсинг Булс почна да губи делови од предното крило.
Следуваше период на виртуелно безбедносно возило во вториот круг. Пред тоа, маршалите беа на патеката само со двојни жолти знамиња.
Рестартирањето се случи во четвртиот круг, а Макс Ферстапен имаше една секунда предност пред Џорџ Расел. Една од непознатите прашања беше дали Мекларенот на Оскар Пјастри претрпел штета од контактот со Лиам Лосон.
Луис Хамилтон, и покрај тоа што стартуваше со бели гуми, напредуваше до 12-тото место.
Во меѓувреме, Ландо Норис минимално заостануваше во однос на нив, а Карлос Саинц Јр. се смести на четвртото место, иако Хаџар, Пјастри и Леклер беа блиску зад него.
Ферстапен го одбрани почетниот напад на Расел и почна да притиска, зголемувајќи ја разликата на една и пол секунда. Неколку круга подоцна, Џорџ преку радио пријави дека почнува да ги доживува истите проблеми како вчера, со серво воланот, и падна на две секунди од Макс, а воедно Ландо Норис започна да ја намалува разликата.
Во 12-тиот круг, Оскар Пјастри направи мала грешка во 12-от свиок и излезе со многу помала брзина, па Чарлс Леклер ја искористи ситуацијата за да го престигне Австралијанецот.
Во следниот круг, Моначанецот го престигна и Исак Хаџар за да се искачи на петтото место.
Во среднината на поредокот се водеа повеќе битки. Алекс Албон, обидувајќи се да го престигне Луис Хамилтон, предизвика контакт помеѓу двата болиди, по што Тајлаѓанецот мораше да влезе во бокс откако изгуби делови од својот болид.
Овие остатоци предизвикаа краток период на виртуелно безбедносно возило, што никој не го искористи во своја корист.
Џорџ Расел го виде Ландо Норис како опасно се приближува и реши да влезе во бокс во 18-от круг, паѓајќи зад Исак Хаџар.
Британецот беше 3.1 секунди зад Макс кога Расел влезе во бокс, тој ја намали таа разлика на 2.6 секунди за само неколку круга. Но, Ферстапен повторно го забрза темпото кога ја виде брзината на Ландо Норис, а Британецот реши да влезе во бокс во 23-от круг.
Карлос Саинц Јр., со Леклер кој веќе се обидуваше да го престигне, влезе во бокс во истиот круг. Норис се врати зад Расел, но со пет круга понови гуми.
Саинц Јр. излезе веднаш пред Пјастри, но Австралијанецот имаше потопли гуми и успеа да го престигне во петтиот свиок.
Чарлс Леклер го направи својот пит-стоп во 25-от круг, а Макс Ферстапен се упати кон боксевите веќе во следниот круг.
Четирикратниот шампион излезе на патеката со Расел само 1.2 секунди зад себе, но тоа беше доволно за да го постигне својот ритам и да почне да размислува за удобен финиш на понови гуми.
Првите тројца повторно се стабилизираа помеѓу Макс, Џорџ и Ландо. Нико Хулкенберг беше четврти, пред Луис Хамилтон и Кими Антонели, сите тројца на бели гуми, а Италијанецот имаше казна од пет секунди за неправилен старт.
Ландо Норис почна да се приближува до Расел и да претставува сериозна закана. Возачот на Мекларен влезе во ДРС-опсегот во 33-от круг и лесно го престигна за второто место.
Преку тимското радио, го охрабруваа да тргне по Макс Ферстапен, но тој заостануваше речиси пет секунди на 16 круга до крајот. Изгледаше премногу оптимистички.
Во меѓувреме, Пјастри и Леклер се приближуваа кон четвртото место и сега беа покрај Антонели, кој имаше казна од 5 секунди.
Ако Ландо Норис имаше каква било надеж да го стигне Макс Ферстапен, Холанѓанецот брзо стави до знаење дека тоа е само илузија.
Макс забележа два последователни најбрзи круга и ја зголеми предноста на 5.6 секунди, што веќе изгледаше многу тешко за надминување, на 12 круга до крајот. Од оваа перспектива веќе знаеме зошто Ландо не беше во можност нападне и потоа драстично го намали своето темпо.
Кими Антонели, во меѓувреме, ги држеше Оскар Пјастри и Чарлс Леклер зад себе на патеката.
Во последните кругови немаше инциденти и Макс Ферстапен успеа да ја помине целта на првото место, забележувајќи го и најбрзото време во последниот круг.
Оскар Пјастри успеа да финишира на четвртото место, но како и Ландо Норис и тој беше дисквалификуван од поредокот за Големата Награда на Лас Вегас.
Настапот на Кими Антонели на крајот од трката беше особено импресивен. И покрај тоа што влезе во бокс во вториот круг и беше на 48 круга стари бели гуми, тој сепак имаше подобро темпо и од Оскар Пјастри и Чарлс Леклер и успеа да ги задржи зад себе.
Карлос Саинц Јр. тркта ја заврши на седмото место, пред Хаџар, Хулкенберг и Хамилтон.
Неколку часа по трката, двата Мекларена беа дисквалификувани, па сите оние што завршија зад нив добија позиции, при што Расел и Антонели го комплетираа победничкиот подиум, Леклер се најде на четвртото место, Саинц Јр. на петтото, Хаџар на шестото, Хулкенберг на седмото, Хамилтон на осмото, Окон на деветтото, Берман на десеттото.
