МЕКЛАРЕН ДОМИНИРА ВО КАТАР

По дисквалификацијата во Лас Вегас, Мекларен продолжува со 1-2 пласман на првиот и единствен тренинг за Големата Награда на Катар, патека која и пред почетокот на акцијата важеше за фаворит на тимот од Вокинг.

Оскар Пјастри беше најбрзиот возач, победувајќи го својот тимски колега, Ландо Норис, за само 0.058 делови од секундата.

ПРИДРУЖЕТЕ НИ СЕ ВО НАШИТЕ ВАЈБЕР И ТЕЛЕГРАМ ГРУПИ, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.

ВАЈБЕР - КЛИК ТУКА ЗА ДА СЕ ПРИДРУЖИТЕ

ТЕЛЕГРАМ - КЛИК ТУКА ДА СЕ ПРИДРУЖИТЕ

СТРИМ ОД СПРИНТ КВАЛИФИКАЦИИТЕ, 18:30 МК ЌЕ БИДЕ ПОСТИРАН НА ВООБИЧАЕНИОТ НАЧИН НА НАШИОТ БЛОГ, КАКО И ВО НАШИТЕ ВАЈБЕР И ТЕЛЕГРАМ ГРУПИ.

Фернандо Алонсо се искачи на третото место, речиси четири десетинки зад најбрзото време, една десетинка зад него беше Карлос Саинц Јр. на четвртото место на табелата.

Исак Хаџар го комплетираше топ 5 пласманот, во кој немаше место за актуелниот шампион. Макс Ферстапен заврши шести, веројатно сè уште не покажувајќи го својот целосен потенцијал.

Алекс Албон беше седми, Чарлс Леклер осми, Ленс Строл деветти, а Андреа Антонели го комплетираше топ десет поредокот.

Имаме само еден тренинг сесија, па патеката беше преполна со акција. Тимовите одамна го завршија развојот на своите болиди, па сега имаа задача што подобро да ги прилагодат за оваа пустинска патека.

На почетокот сите работеа на белите гуми, кои се произведени од C1 смешата за овој викенд.

Патеката во Катар ретко се користи, па викендот започнува на асфалтот покриен со песок, а белите гуми немаа голем грип, поради што речиси сите возачи имаа свои моменти надвор од патеката.

Широките зони за излетување помогнаа да се избегнат какви било последици, но ваквите кругови ќе бидат дисквалификувани во спринт квалификациите, кои се одржуваат за неколку часа.

Ферстапен се пожали на проблеми со предната лева гума, Леклер на управување и лошиот баланс на SF-25, а Расел на високи температури во кокпитот.

На половина од сесијата, тркачкиот инженер го информираше Цунода дека Ботас го стигнува, повторувајќи го името на Финецот двапати. "Не знаев ни дека се трка во моментов...", одговори Јуки.

Режисерот на преносот веднаш премина на изненадениот Валтери кој ја гледаше ситуацијата во боксот на Мерцедес АМГ. Беше забавно за гледање, но тоа ја покажува потребата за добар изговор на англискиот јазик, кој е службен во Формула 1.

Тркачкиот инженер на Јуки Цунода, најверојатно сакаше да каже "both haas(двата болиди на Хас)", но Јапонецот разбра сосема нешто друго.

Тимовите работеа на бели гуми во поголемиот дел од сесијата, а дури во последните 15 минути возачите почнаа да се префрлаат на црвените гуми за да се подготват за квалификациите.

На белите, Џорџ Расел беше најбрз со време од 1:22.165, на црвените брзините се зголемија, а патеката стана малку почиста, а најбрз беше Пјастри.

Интересен факт е што SQ1 и SQ2 сегментите задолжително се одвиваат на жолтите гуми, кои нити еден возач не ги проба...