Возачите на Мекларен беа во одлична форма во текот на целата сесија, а Ландо Норис јасно ги покажа своите намери со тоа што беше најбрз во SQ2.
Но, Британецот ризикуваше премногу и имаше неколку излети од патеката што укажуваат на недостаток на самоконтрола.
На крајот, дополнително, се најде во незгодна позиција за започнување на последниот брз круг, кога тој и Алекс Албон во негодно време разменија позиции на патеката.
Во таа ситуација, Оскар Пјастри во последните моменти ја обезбеди првата стартна позиција, победувајќи го одличниот Џорџ Расел кој сепак останува на првиот ред за саботниот Спринт.
Гонителот за титулата во овој случај успеа да "пикне" еден возач меѓу себе и својот тимски колега, и уште многу меѓу себе и Ферстапен.
Холанѓанецот излета од патеката на почетокот од SQ3 и сè тргна наопаку за него. Уште повеќе, заврши шести, зад Јуки Цунода.
Фернандо Алонсо ја обезбеди четвртата позицја. Карлос Саинц Јр. заврши осми, пред Чарлс Леклер и Алекс Албон.
ВАЈБЕР - КЛИК ТУКА ЗА ДА СЕ ПРИДРУЖИТЕ
ТЕЛЕГРАМ - КЛИК ТУКА ДА СЕ ПРИДРУЖИТЕ
СТРИМ ОД СПРИНТОТ, 15:00 МК, И ВИСТИНСКИТЕ КВАЛИФИКАЦИИ, 19:00 MK, ЌЕ БИДЕ ПОСТИРАН НА ВООБИЧАЕНИОТ НАЧИН НА НАШИОТ БЛОГ, КАКО И ВО НАШИТЕ ВАЈБЕР И ТЕЛЕГРАМ ГРУПИ.
Макс Ферстапен беше првиот што се нареди на крајот од пит-линијата и официјално ја отвори SQ1 сесијата, секако, задолжително на нов сет од жолтите гуми.
Холанѓанецот забележа почетно време од 1:22.258, што не изгледаше особено спектакуларно. Возачите на Мекларен брзо се искачија на врвот.
Ландо Норис имаше време од 1:21.621, а потоа Оскар Пјастри беше побавен за две десетинки. Фернандо Алонсо беше веднаш зад него со 1:21.909.
Ферстапен, во својот втор обид, се спушти на 1:21.494. На помалку од две минути до крајот, Фернандо Алонсо го презеде водството. Шпанецот постави фантастично време од 1:21.276, победувајќи ги возачите на Мекларен и Ферстапен.
Ферстапен се врати на патеката за трет брз круг, и на крајот го забележа најбрзото време, победувајќи го Алонсо за една десетинка.
Ленс Строл сосема спротивно од Фернандо Алонсо, испадна од игра во првата сесија на шеснаесеттата позиција, пред Лиам Лосон со болидот на Рејсинг Булс.
Луис Хамилтон, исто така беше елиминиран, завршувајќи само пред возачите на Алпин, Пјер Гасли пред Франко Колапинто.
Мекларен повторно беа многу брзи од самиот почеток. Ландо Норис постави време од 1:20.956, а Оскар Пјастри го следеше со 1:21.005. Џорџ Расел, со време од 1:21.266, исто така успеа да го победи Макс на стартот.
Во последните минути имаше многу подобрувања, но никој не можеше да го победи времето на Ландо Норис од 1:20.956. Пјастри заврши втор, а Ферстапен трет. Првите тројца беа одвоени во само осум стотинки.
Овој пат елиминирани беа Исак Хаџар, Оливер Берман, Габриел Бортолето, Нико Хулкенберг и Естебан Окон.
Италијанецот стартуваше со време од 1:20.903. Ферстапен излета надвор од патеката во првиот брз круг, а возачите на Мекларен повторно беа многу брзи. Оскар Пјастри имаше време од 1:20.241 и Ландо Норис со време од 1:20.285.
По еден подготвителен круг, возачите го започнаа последниот обид.
Макс Ферстапен беше првиот што го започна, но излетувањето предизвика оштетување на неговиот болид, па неговите сектори не беа спектакуларни, доволно само за П4 во тој момент.
На крајот, Норис не можеше да се подобри и беше претекнат од Џорџ Расел, но и двајцата беа победени од Оскар Пјастри, кој конечно се врати во игра на овие последни спринт квалификации за оваа сезона.
Фернандо Алонсо изненади многумина со време за четвртата позиција, престигнувајќи ги возачите на Ред Бул, Јуки Цунода пред Ферстапен и Кими Антонели.
Карлос Саинц Јр., исто така со добар последен круг, ги престигна Чарлс Леклер и Алекс Албон за осмата позиција, која го носи последниот поен во спринтот.
