МЕКЛАРЕН, MCL40 - БОЛИД ЗА ПРОДОЛЖУВАЊЕ НА ШАМПИОНСКАТА ТРАДИЦИЈА

Мекларен го презентираше обојувањето на MCL40, болидот со кој оваа сезона ќе ја брани титулата во шампионатот на конструктори.

Тимот од Вокинг беше претпоследен што ги откри неговите бои, во стандардна онлајн презентација, но болидот беше познат на јавноста и веќе беше тестиран во Барселона, но во камо-дизајн.

За помалку од еден месец, 2026 сезоната во Формула 1 ќе биде реалност. Процесот на разоткривање на непознатите е веќе во тек и малку по малку, сликата станува појасна.

Мекларен одлучи да почека до последен момент за да го открие дресот со кој ќе ја брани титулата, и тоа го стори на 9 февруари, неколку часа пред последниот тим кој го откри својот дрес, Астон Мартин.

Ландо Норис, актуелниот Ф1 шампион, и Оскар Пјастри сега ги знаат конечните бои на MCL40 , болидот со кој Мекларен ќе се натпреварува во 2026 година.

Тимот со седиште во Вокинг повторно има погонска единица на Мерцедес и шампионско искуство на своите возачи, по она што беше солидна 2025 година, но сега се соочува со сосема поинаков контекст: нови регулативи и многу непознати работи за вистинските перформанси на болидите.

"Историската папаја боја продолжува да доминира и на MCL40, одржувајќи ја нашата традиција да ги пренесуваме нашите бои на болидот што го освоил шампионатот и во следната сезона."

"Перформансите се исто така приоритет, додека истражуваме креативни патишта. Ние ја избалансиравме креативната насока со аеро размислувања за да го создадеме овој впечатлив болид за 2026 година", рече Зак Браун, извршен директор на Мекларен.

"2026 година означува нов предизвик бидејќи се соочуваме со нова ера во прописите на Формула 1. Понатаму, влегуваме во сезоната како независен тим, соочувајќи се со пет водечки производители кои сакаат да нè победат."

"Иако имаме корист од лекциите научени од нашиот успех во последните години, целиот грид стартува од нула, а нашите минати достигнувања не се сметаат. Нашата цел е да започнеме добро, а имаме најдобра можна комбинација од тимски персонал, дуо на возачи, соработка со Mercedes HPP, спонзори и фанови за да го постигнеме ова."

"Ќе продолжиме да се фокусираме на создавање услови за успех додека се приближуваме кон нашиот најголем предизвик досега. Треба да биде фантастична сезона за фановите и возбудени сме што започнуваме", додаде шефот на тимот Андреа Стела.

Иако првата недела од тестирањето веќе се одржа во Барселона, собраните податоци сè уште отвораат повеќе прашања отколку одговори.

Управувањето со болидите, пронаоѓање баланс помеѓу издржливоста и брзината остануваат непознати. Бахреин е следниот клучен тест: тимовите ќе можат да поминат повеќе километри и да пробаат подолги возења, но, се ќе биде потврдено во Австралија, каде што започнува 2026 сезоната.

Со новите прописи, 2026 година не е само уште една сезона, бидејќи сите почнуваат од нула, а секоја грешка може скапо да ве чини уште од првата трка.

Останува да видиме дали Мекларен ќе може да ги одбрани шампионските титули.