Сребрените Стрели обезбедија еден-два финиш, предводени од Џорџ Расел, и ги победија возачите на Ферари, кои беа многу брзи со жолтите гуми.
ПРИДРУЖЕТЕ НИ СЕ ВО НАШАТА ВАЈБЕР ГРУПА, НАЈБРЗИОТ НАЧИН ДА ДОЈДЕТЕ ДО ВИСТИНСКИТЕ ИНФОРМАЦИИ ОКОЛУ Ф1 ШАМПИОНАТОТ.
КЛИК ТУКА ЗА ДА СЕ ПРИДРУЖИТЕ
СТРИМОВИТЕ ЗА ТРЕНИНГ 2, 17:00 МК, ЌЕ БИДАТ ПОСТИРАНИ НА ВООБИЧАЕНИОТ НАЧИН, ВО НАШИТЕ ВАЈБЕР И ТЕЛЕГРАМ ГРУПИ.
Патеката покажа поголема тракција од очекуваната, со температури што достигнаа 48 степени Целзиусови.
Секако, немаше време за губење на оваа нова патека, па повеќето возачи веднаш се упатија во акција. Естебан Окон беше првиот од долгата линија што се формираше на пит-линијата и постави почетно време од 1:44.336.
Дваесет возачи излегоа на патеката за помалку од две минути, од кои Габриел Бортолето беше на бели гуми, а останатите на жолти и имаа доволно гориво за да завршат неколку круга за да се навикнат на патеката. Тоа доведе до постојано подобрување на времињата по кругови.
Најдобрите возачи веќе имаа времиња во опсегот од 1:39... Понатаму, Кими Антонели брзо намали на 1:37, а Луис Хамилтон, по неколку круга, постигна време од 1:36.066. Сè уште имаше многу простор за подобрување.
Во круг со малку сообраќај и, навидум, без да го притисне лимитот, Луис Хамилтон се подобри на 1:35.563, a потоа, во својот десетти круг со жолтите гуми, намали на 1:34.803.
Во меѓувреме, останатите беа далеку поназад. Првите возења со медиум смешата беа долги. Возачите на Ферари комплетираа 12-13 круга. На крајот од сесијата, Луис Хамилтон постигна време од 1:34.620 за да го победи Чарлс Леклер за само 63 илјадити делови од секундата. Кими Антонели беше трет, пет десетинки зад него.
Во тој момент, околу половина од сесијата, почнаа да се појавуваат црвените гуми. Возачите на Мерцедес АМГ и Лиам Лосон беа првите што ги користеа, но ниту еден од нив не успеа да ги престигне возачите на Ферари во првиот обид.
На Џорџ Расел му беа потребни три обиди со најмеката смеша за да го преземе водството. Британецот постави време од 1:34.145, речиси половина секунда побрзо од Луис Хамилтон, кој сè уште како најбрзо го имаше времето поставено со жолти гуми.
Откако сите возачи се префрлија на црвените гуми, времињата се подобрија. За прв пат, сите притискаа да ги пронајдат лиомитите на патеката и своите болиди.
Сепак, возачите на Ферари едвај подобрија со најмеката смеша, додека Џорџ Расел повторно го намали своето време на 1:34.077, а Кими Антонели се искачи на второто место.
Чарлс Леклер успеа да подобри само за малку повеќе од една десетинка, а Луис Хамилтон, дури ни тоа.
На крајот, возачите на Мерцедес АМГ го завршија тренингот со еден-два пласман, а Леклер беше трет, пред Хамилтон, кој беше половина секунда зад Расел, но неговото време беше поставено на жолтите гуми.
Макс Ферстапен беше петти, шест десетинки поназад, но пред Ландо Норис, Арвид Линдблад, Оскар Пјастри, Нико Хулкенберг и Лиам Лосон.
ПРИЈАВЕНИ НАДГРАДБИ ЗА МАДРИНГ
