Тимот од Вокинг моментално е водечки во Шампионатот на конструктори, а неговите возачи Оскар Пјастри и Ландо Норис се борат за титулата кај возачите.
Зборувајќи за италијанскиот Скај Спорт, тимскиот шеф на Мерцедес АМГ, Тото Волф, со жалење призна дека неговата одлука да потпише долгорочен договор со Мекларен не била најпаметна.
"Погледнете каде беше Мекларен пред три или четири години кога го потпишавме договорот да ги снабдиме со нашите брзи мотори. Тогаш беа 18-ти на табелите, па затоа беше доста лесна одлука за мене."
"Сепак, ако тогаш го знаев она што го знам сега, не сум сигурен дека соработката со нив беше најпаметната одлука во мојот живот! Имаат добро дизајниран болид, поради што се толку брзи, особено во топли услови."
"Се снајдовме добро во Монтреал благодарение на ладното време, но Мекларен повторно беа побрзи во Австрија. Мерцедес АМГ може да се бори за победа на една патека, а потоа да изгуби една минута од водечките следниот викенд. Тоа е неприфатливо за нашиот тим и нашиот бренд."
