Алонсо и Ферари покажуваат сила, но дали е реална?!?
Фернандо Алонсо, кој ја забележа својата прва победа во сезоната во Силверстоун пред две недели, го постави најбрзото време на првата тренинг сесија за Германското ГП. Возачот на Ферари, беше единствениот возач на патеката Нирбургринг со време под 1:32.000. Алонсо заврши пред дуото на Ред Бул, Марк Вебер и Себастијан Ветел, кои беа над три десетинки побавни од Шпанецот.
Маса беше 4-ти најбрз, и тоа пред дуото на Мекларен, Хамилтон и Батон. Разликата меѓу водечкиот болид на Ферари и болидите на Мекларен беше 1 секунда, што е голема и изненадувачки висока разлика, но ова е тренинг и сe е дозволено. Над патеката за време на целото траење на тренингот беа надвиснати сиви облаци, но дождот го немаше, барем ова утро.
Од оваој тренинг може да го истакнеме и дебито на Карун Чандхок, како замена за Јарно Трули во Лотус. Тој заврши две секунди зад тимскиот колега Хеики Ковалаинен. Италијанецот е во преговори со Лотус за продолжување на договорот. Тоа е се што беше интересно од овој тренинг, а добиените впечатоци за брзината на Ферари ќе треба да се потврдат и подоцна со резултатите од вториот слободен тренинг. Секако треба да се напомене и дека најбрзите времиња беа поставени на пробната тест гума на Пирели, која ако се покаже добро ќе биде замена на сегашните супер меки гуми.
П. ВОЗАЧ ТИМ ВРЕМЕ РАЗЛИКА КРУГОВИ
1. ФЕРНАНДО АЛОНСО ФЕРАРИ 1:31.894 30
2. МАРК ВЕБЕР РЕД БУЛ 1:32.217 + 0.323 24
3. СЕБАСТИЈАН ВЕТЕЛ РЕД БУЛ 1:32.268 + 0.374 27
4. ФЕЛИПЕ МАСА ФЕРАРИ 1:32.681 + 0.787 23
5. ЛУИС ХАМИЛТОН МЕКЛАРЕН 1:32.996 + 1.102 18
6. ЏЕНСОН БАТОН МЕКЛАРЕН 1:33.628 + 1.734 22
7. НИКО РОЗБЕРГ МЕРЦЕДЕС ГП 1:33.787 + 1.893 33
8. АДРИАН СУТИЛ ФОРС ИНДИЈА 1:33.832 + 1.938 27
9. НИКО ХУЛКЕНБЕРГ ФОРС ИНДИЈА 1:33.858 + 1.964 26
10. МИХАЕЛ ШУМАХЕР МЕРЦЕДЕС ГП 1:33.863 + 1.969 31
11. ВИТАЛИЈ ПЕТРОВ РЕНО 1:34.094 + 2.200 22
12. ЏЕЈМИ АЛГУЕРСУАРИ ТОРО РОСО 1:35.115 + 3.221 23
13. СЕБАСТИЈАН БУЕМИ ТОРО РОСО 1:35.371 + 3.477 20
14. РУБЕНС БАРИЧЕЛО ВИЛИЈАМС 1:35.389 + 3.495 24
15. НИК ХАЈДФЕЛД РЕНО 1:35.444 + 3.550 22
16. СЕРЏО ПЕРЕЗ ЗАУБЕР 1:36.371 + 4.477 22
17. ХЕИКИ КОВАЛАИНЕН ЛОТУС 1:36.392 + 4.498 29
18. ПАСТОР МАЛДОНАДО ВИЛИЈАМС 1:36.842 + 4.948 29
19. КАМУИ КОБАЈАШИ ЗАУБЕР 1:36.882 + 4.988 27
20. НАРАИН КАРТИКИЈАН ХРТ 1:38.504 + 6.610 22
21. КАРУН ЧАНДХОК ЛОТУС 1:38.765 + 6.871 19
22. ДАНИЕЛ РИКАРДО ХРТ 1:39.279 + 7.385 24
23. ТИМО ГЛОК ВИРЏИН 1:40.109 + 8.215 23
24. ЖЕРОМ Д`АМБРОЗИО ВИРЏИН 1:40.428 + 8.534 22
