ДЕФИНИТИВНО ХРТ СЕ ОТКАЖУВА ОД ТЕСТ СЕСИЈАТА ВО БАРСЕЛОНА

Од тимот на ХРТ потврдија дека нема да бидат во можност да го подготват болидот ни за последниот ден од тест сесијата која се одржува во Барселона. Овој Шпански Ф1 тим во последен момент ги мина сите 18 краш тестови, и од тогаш се во трка со времето за да ја спремат новата шасија за тестирање. Сепак, тие се надеваат дека F112 ќе дебитира на патеките пред Австралиското Гран При, што би значело дека тие сега се надеваат промотивниот ден за снимање, на кој има право секој Ф1 тим, го искористат за тестирање на болидот. ХРТ влезе во Формула 1 пред три години и досега никогаш не успеаа да учествуваат на пред-сезонските тест сесии со нов болид.